• Cambodia Peace Channel

CPC-សាច់បង្កក មើមខ្ញី និងខ្ញីហាន់ ខូចគុណភាពមានលាយសារធាតុគីមីប្រមាណ ២,៤០០គីឡូក្រាម ត្រូវបានមន្ត្រីជំនាញដុតបំផ្លាញចោល

ភ្នំពេញ៖ នៅរសៀលថ្ងៃទី១៨ ខែធ្នូ ឆ្នាំ២០២៣ ក្រោមការចង្អុលបង្ហាញពីសំណាក់ ឯកឧត្តម ផាន អូន ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋាន ក.ប.ប. មន្ត្រីសាខា ក.ប.ប. រាជធានីភ្នំពេញ បានប្រារព្ធពិធីដុតកម្ទេចចោលនូវ សាច់បង្កក មើមខ្ញី និងខ្ញីហាន់រួច ដែលខូចគុណភាព កង្វះអនាម័យ មិនអនុលោមតាមបទប្បញ្ញត្តិបច្ចេកទេស និងមានការត្រាំនូវសារធាតុគីមី Sodium Hydrosulfite ដែលមន្ត្រីជំនាញបង្រ្កាបបាននាពេលថ្មីៗនេះ នៅរសៀលថ្ងៃទី១៨ ខែធ្នូ ឆ្នាំ២០២៣។
ផលិតផលដែលត្រូវបានបំផ្លាញចោលទាំងនោះរួមមាន៖- សាច់បង្កក ខូចគុណភាព ចំនួន ២,២២៨គីឡូក្រាម
– មើមខ្ញី ខ្ញីហាន់ត្រាំ (មានផ្ទុកសារធាតុគីមីហាមឃាត់Sodium Hydrosulfite) ចំនួន ១០ការ៉ុង ស្មើនឹង១៧០ គីឡូក្រាមសរុបចំនួន ២,៣៩៨ គីឡូក្រាម។
គួរបញ្ជាក់ផងដែរថា ក្នុងពិធីនេះ ក៏មានការសម្របសម្រួលនិងចូលរួមពីអាជ្ញាធរដែនដី និងការរិយាល័យនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលរាជធានីភ្នំពេញ៕