ភ្នំពេញ៖ ជនសង្ស័យពីរនាក់ត្រូវសមត្ថកិច្ចឃាត់ខ្លួន ពាក់ព័ន្ធករណីលួច កាត់ខ្សែរភ្លើង និងទូរសព័្ទ កាលពីថ្ងៃទី១៦ ខែ កញ្ញា ឆ្នាំ២០២៣ នៅចំណុចផ្ទះលេខ ១៧ ផ្លូវលំ ភូមិទួលពពែ សង្កាត់ទួលសង្កែទី២ ខណ្ឌឬស្សីកែវ រាជធានីភ្នំពេញ។
លោកហ៊ាង ថារ៉េត អធិការនគរបាលខណ្ឌឬស្សីកែវបានអោយដឹងថា ជនសង្ស័យឈ្មោះ មុំ វុទ្ធី ភេទប្រុស អាយុ៥៣ឆ្នាំ ស្នាក់នៅផ្ទះលេខ១០៥ ក្រុម០៥ ភូមិទួលសង្កែទី១ សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ។ និងទី២ ឈ្មោះ សៀន កែវ ភេទប្រុស អាយុ ៥៦ឆ្នាំ ស្នាក់នៅភូមិរោងចក្រឆ្នាំង សង្កាត់បឹងកក់ ខណ្ឌទួលគោក រាជធានីភ្នំពេញ ។
វត្ថុតាងដែលបានចាប់យករួមមាន:កន្ត្រៃកាត់ខ្សែរភ្លើងចំនួន០១ម៉ូតូ០១គ្រឿង ម៉ាកHONDA DREAM ពណ៌ខ្មៅ ពាក់ស្លាកលេខ ភ្នំពេញ 1O-6909 ខ្សែរភ្លើង៥០ម៉ែត្រ ទូរស័ព្ទoppoពណ៌ខ្មៅចំនួន០១គ្រឿង ។
គួរបញ្ជាក់ផងដែរថា នៅកាលពីថ្ងៃកើតហេតុខាង ជនសង្ស័យឈ្មោះ សឿន កែវ បានខ្ចីម៉ូតូពីជនសង្ស័យឈ្មោះ មុំ វុទ្ធី ជិះធ្វើសកម្មភាពលួចកាត់ខ្សែរភ្លើងនិងលួចទូរស័ព្ទដៃជាមួយបក្ខពួកពីរនាក់ទៀតឈ្មោះ រ៉ូ នឹងឈ្មោះ ដា នៅចំណុចផ្ទះលេខ១៧ ផ្លូវលំ ភូមិទួលពពែ សង្កាត់ទួលសង្កែទី២ខណ្ឌឬស្សីកែវ រាជធានីភ្នំពេញ ហើយរត់គេចខ្លួនបាត់ទៅ បន្ទាប់មកជនរងគ្រោះក៏បានដាក់ពាក្យបណ្តឹងនៅប៉ុស្តិ៍នគរបាលរដ្ឋបាលទួលសង្កែទី២ ក្រោយទទួលបណ្តឹងសមត្ថកិច្ចក៏បានធ្វើការស្រាវជ្រាវរហូតធ្វើការឃាត់ជនសង្ស័យទាំងពីរខាងលើ និងដកហូតវត្ថុតាងនៅចំណុចផ្លូវលំ ភូមិ១៤ សង្កាត់បឹងកក់២ ខណ្ឌទួលគោក រាជធានីភ្នំពេញ នៅថ្ងៃទី១៩ ខែកញ្ញា ឆ្នាំ២០២៣ វេលាម៉ោង០៨ និង០០នាទី ដើម្បីធ្វើការសួរនាំចាត់ការតាមផ្លូវច្បាប់ ចំណែកជនសង្ស័យឈ្មោះដា និងឈ្មោះរ៉ូ បានគេចខ្លួន ត្រូវបានសមត្ថកិច្ចកំពុងបន្តស្រាវជ្រាវ។
