V9 V9
សេដ្ឋកិច្ចអន្តរជាតិ

កំណើនសេដ្ឋកិច្ចចិន បានហក់ឡើងវិញមិនគួរឲ្យជឿ បើទោះស្ថិតក្រោមសម្ពាធពាណិជ្ជកម្ម អាមេរិក

ប៉េកាំង៖ការនាំចេញរបស់ចិន បានវិលត្រឡប់មករកកំណើនឡើងវិញហួសពីការរំពឹងទុក ដោយសារតំរូវការពិភពលោកមានភាពប្រសើរឡើង បើទោះបីជាមានការកើនឡើងសម្ពាធពាណិជ្ជកម្មរបស់សហរដ្ឋអាមេរិក ប៉ុន្តែការស្ទុះងើបឡើងវិញអាចនឹងមានរយៈពេលខ្លីនៅពេលដែលទីក្រុងវ៉ាស៊ីនតោនត្រៀមកាត់ពន្ធបន្ថែមលើទំនិញចិន។

បើតាមសារព័ត៌មាន Reuters ចុះផ្សាយនៅថ្ងៃទី៨ ខែសីហានេះបានឲ្យដឹងថា គយបានបង្ហាញទិន្នន័យនៅថ្ងៃព្រហស្បតិ៍នេះថា ការនាំចេញនៅក្នុងខែកក្កដា បានកើនឡើង ៣.៣ភាគរយបើធៀបរយៈពេលដូចគ្នាកាលពីឆ្នាំមុន ដែលជាអត្រាកើនឡើងលឿនបំផុតចាប់តាំងពីខែមីនា ។ ប៉ុន្តែការនាំចូលនៅតែខ្សោយដោយធ្លាក់ចុះ ៥.៦ភាគរយ និងបង្ហាញពីតម្រូវការក្នុងស្រុកធ្លាក់ចុះ ខណៈដែលសេដ្ឋកិច្ចរបស់ប្រទេសចិនកំពុងព្យាយាមងើបឡើងវិញ។

សូមជម្រាបថា សង្គ្រាមពាណិជ្ជកម្មរវាងក្រុងប៉េកាំង និងវ៉ាស៊ីនតោន បាននឹងកំពុងមានការឡើងកំដៅ ខណៈអាមេរិកបន្ថែមពន្ធគយលើទំនិញចិន ហើយចិនបញ្ឈប់ការនាំចូលទំនិញកសិកម្មរបស់អាមេរិកវិញ។ ស្របពេលកំពុងមានការឡើងកម្តៅនេះ ការនាំចេញរបស់ចិនទៅកាន់សហរដ្ឋអាមេរិកបានបន្តធ្លាក់ចុះ នៅក្នុងខែកក្កដាដោយប្រឈមមុខនឹងពន្ធគយកាន់តែខ្លាំងក៏ពិតមែន ប៉ុន្តែចិនបានដឹកជញ្ជូនទំនិញទៅដល់អឺរ៉ុប កូរ៉េខាងត្បូង តៃវ៉ាន់ និងនៅក្នុង អាស៊ីអាគ្នេយ៍ (អាស៊ាន) ៕ដោយ ៖ លី ស៊ូម៉ា

V9 V9 V9 >
V9

ទំនាក់ទំនងផ្សាយពាណិជ្ជកម្ម

092 449 333 090 449 333 016 449 333 | Mail: info@cpc-news.com

រក្សា​សិទ្ធិ​គ្រប់​យ៉ាង​ដោយ​ ប៉ុស្តិ៍ព័ត៌មានសន្តិភាពកម្ពុជា ឆ្នាំ​២០១៩

អាសយដ្ឋាន ផ្ទះលេខ A1-10 ផ្លូវ បេតុង ភូមិទួលសំពៅ សង្កាត់ទួលសង្កែ ១ ខ័ណ្ឌឫស្សីកែវ

Copyright © 2019 CPC NEWS, All rights reserved.

To Top