V9 V9 V9 V9 V9
ព័ត៌មានជាតិ

ថ្ងៃស្អែកនេះ អង្គភាពអ្នកនាំពាក្យរាជរដ្ឋាភិបាលរៀបចំសន្និសីទសារព័ត៌មាន “សក្តានុពលនៃការវិនិយោគ នៅព្រះរាជាណាចក្រកម្ពុជា”

ភ្នំពេញ៖នៅព្រឹកថ្ងៃទី១០ ខែតុលា ស្អែកនេះ អង្គភាពអ្នកនាំពាក្យរាជរដ្ឋាភិបាល នឹងរៀបចំសន្និសីទសារព័ត៌មានមួយស្តីពី “សក្តានុពលនៃការវិនិយោគ នៅព្រះរាជាណាចក្រកម្ពុជា” នៅសាលប្រជុំB ទីស្តីការគណៈរដ្ឋមន្ត្រី ក្នុងគោលបំណងបង្ហាញដល់សាធារណជនជាតិ និងអន្តរជាតិ អំពីការរីកលូតលាស់ ការវិនិយោគនៅកម្ពុជា ក៏ដូចជាការទាក់ទាញវិនិយោគបន្ថែម ដោយសារកម្ពុជាមានសក្តានុពលខ្ពស់ សម្រាប់ការវិនិយោគលើគ្រប់វិស័យ។

បើយោងតាមសេចក្តីជូនដំណឹងរបស់អង្គភាពអ្នកនាំពាក្យរាជរដ្ឋាភិបាល ឲ្យដឹងនាថ្ងៃទី៩ ខែតុលា នេះថា ចំណុចសំខាន់ដែលនឹងត្រូវលើកឡើងរួមមាន ទិដ្ឋភាពនៃការវិនិយោគនៅកម្ពុជា ចាប់តាំងពីឆ្នាំ២០១៦ រហូតដល់ឆមាសទី២ ឆ្នាំ២០១៩, ទំហំទឹកប្រាក់នៃការវិនិយោគនៃបណ្តាប្រទេសនានានៅកម្ពុជា គិតចាប់ឆ្នាំ២០១៦, ទំហំនៃការវិនិយោគរបស់វិនិយោគិនចិន នៅតាមបណ្តាខេត្តជាប់មាត់សមុទ្រ, និងសក្តានុពលរបស់កម្ពុជា សម្រាប់វិនិយោគិនជាតិ និងអន្តរជាតិ។

សូមជម្រាបថា បើតាមសេចក្តីជូនដំណឹងដដែលនេះ បញ្ជាក់ថា វាគ្មិនពិសេសដែលនឹងអញ្ជើញចូលរួមបកស្រាយគឺលោក ជា វុទ្ធី អគ្គលេខាធិការរង ក្រុមប្រឹក្សាអភិវឌ្ឍន៍កម្ពុជា៕

V9 V9 V9 V9 V9 V9
V9

ទំនាក់ទំនងផ្សាយពាណិជ្ជកម្ម

092 449 333 090 449 333 016 449 333 | Mail: info@cpc-news.com

រក្សា​សិទ្ធិ​គ្រប់​យ៉ាង​ដោយ​ ប៉ុស្តិ៍ព័ត៌មានសន្តិភាពកម្ពុជា ឆ្នាំ​២០១៩

អាសយដ្ឋាន ផ្ទះលេខ A1-10 ផ្លូវ បេតុង ភូមិទួលសំពៅ សង្កាត់ទួលសង្កែ ១ ខ័ណ្ឌឫស្សីកែវ

Copyright © 2019 CPC NEWS, All rights reserved.

To Top