អាជ្ញាធរជាតិអប្សរា ថ្លែងថា កូនក្រពើដែលលោកស្រី ហ៊ុន ស៊ីណាត ប្អូនស្រីសម្តេចតេជោ ហ៊ុន សែន ព្រលែង នោះ រកឃើញវិញហើយ

437

សៀមរាប៖អាជ្ញាធរជាតិអប្សរា ថ្លែងថា កូនក្រពើដែលលោកស្រី ហ៊ុន ស៊ីណាត ប្អូនស្រីសម្តេចតេជោ ហ៊ុន សែន ព្រលែងនៅកសិន្ធុប្រាសាទអង្គរវត្ត បានរកឃើញវិញហើយ នៅល្ងាចថ្ងៃទី៨ ខែវិច្ឆិកា នេះ ដោយបុរសដែលដើរហាត់ប្រាណម្នាក់បានប្រទះឃើញ ។

ហ្វេសប៊ុកផេក អាជ្ញាធរជាតិអប្សរា សរសេរថា “ក្រពើដែលព្រលែងថ្ងៃមុនចាប់បានវិញហើយ ។ បច្ចុប្បន្នក្រពើនោះ ត្រូវបានមន្រ្តីជំនាញផ្នែករដ្ឋបាលជលផលខេត្តសៀមរាបយកទៅរក្សាទុកនៅកន្លែងដទៃរួចហើយដែរ។

អាជ្ញាធរជាតិអប្សរា បន្តថា ករណីរកឃើញនេះ ត្រូវបានបុរសម្នាក់ដែលរស់នៅក្នុងខេត្តសៀមរាប ប្រទះឃើញកូនក្រពើអណ្ដែតក្នុងទឹកអំឡុងពេលលោកកំពុងដើរហាត់ប្រាណនៅតំបន់នោះ។

ភ្លាមៗ បុរសដែលមិនទាន់ស្គាល់អត្ដសញ្ញាណនោះបានចុះចាប់ ដែលមានប្រជាពលរដ្ឋនិងនគលបាលបេតិកភណ្ឌមានវត្តមានទីនោះផងដែរ និង បានអញ្ជើញមន្រ្តីជំនាញផ្នែកជលផលខេត្តមកទទួលសត្វក្រពើនោះ ៕