នៅរសៀលនេះ​ អភិបាលខេត្តកណ្តាល​ ដឹកនាំមន្ត្រីពិនិត្យមេីលមូលដ្ឋានដែលមានពលរដ្ឋខ្មែរ២នាក់​ ឆ្លងជំងឺកូវីដ១៩

154376

កណ្តាល៖នៅរសៀលថ្ងៃទី២៦​ ខែមីនា​ ឆ្នាំ២០២០​ នេះ​ លោក​ គង់​ សោភ័ណ្ឌ​ អភិបាលខេត្តកណ្តាល​ បានដឹកនាំមន្ត្រី​ ពិនិត្យមេីលទីតាំង​ ដែលកន្លងមកអាជ្ញាធរ​បានរកឃេីញពលរដ្ឋខ្មែរ២នាក់​ បានឆ្លងវីរុសកូវីដ១៩​ នៅភូមិបារ៉ែនក្រោម ឃុំស្វាយប្រទាល ស្រុកស្អាង ខេត្តកណ្តាល​ ។ នេះបេីយោងតាមការចេញផ្សាយរបស់រដ្ឋបាលខេត្តកណ្តាល​ ។

សូមបញ្ជាក់ថា​ បន្ទាប់ពីកិច្ចប្រជុំភ្លាម​ ,​ លោក​ គង់​ សោភ័ណ្ឌ​ អភិបាលខេត្តកណ្តាល​ សមត្ថកិច្ចជំនាញ និងគ្រូពេទ្យ បានចុះពិនិត្យផ្ទាល់ដល់មូលដ្ឋានផ្ទាល់ ដែលមានអ្នកឆ្លងកូវីដ១៩​ ចំនួន​២នាក់ ដើម្បីចាតវិធានការទប់ស្កាត់ជាបន្ទាន់ កុំឲ្យមានការឆ្លងរាលដាលបន្តទៀត ។

អាជ្ញាធរ​ ក៏បានបាញ់ថ្នាំ សម្លាប់មេរោគ និង​ ណែនាំប្រជាពលរដ្ឋ ឲ្យប្រុងប្រយ័ត្ន និងមានអនាម័យខ្ពស់​ ផងដែរ​ ៕