សេណេហ្គាល់៖ក្រុមជម្រើសជាតិសេណេហ្គាល់ បានឡើងទៅវគ្គ ១៦ក្រុមចុងក្រោយ នៃពានរង្វាន់ Africa Cup of Nations 2019 ក្រោយយកឈ្នះក្រុមជម្រើសជាតិកេនយ៉ា ក្នុងលទ្ធផល ៣ទល់នឹង០ កាលពីយប់ថ្ងៃទី១ ខែកក្កដាម្សិលមិញនេះ។

ខ្សែប្រយុទ្ធមុតស្រួចរបស់ហង្សក្រហម Liverpool កីឡាករ Sadio Mane រកបានចំនួន ២គ្រាប់ម្នាក់ឯង នៅក្នុងការប្រកួតនោះ ខណៈដែលកីឡាកររូបនេះ ត្រូវបានសមាជិកក្រុមជម្រើសជាតិផ្តល់ការទុកចិត្តស៊ុតបាល់ពិន័យ ១១ម៉ែត្រចំនួន ២ដង តែត្រូវអ្នកចាំទីកេយ៉ា Patrick Matasi ជួយសង្គ្រោះបានម្តង។

សូមជម្រាបថា បច្ចុប្បន្នក្រុមជម្រើសជាតិ Senegal ឈរលេខរៀងទី២ មាន ៦ពិន្ទុ ខណៈដែលក្រុមជម្រើសជាតិ Algeria ឈរលេខរៀងទី១ មាន ៩ពិន្ទុ ក្នុងពូល C នៃពានរង្វាន់ Africa Cup of Nations 2019៕ ដោយ៖ស្រ៊ីប ឡានី