ខ្មែរ 
03
Apr
Apr
អភិបាលខេត្តកំពង់ចាម បញ្ជាឱ្យសមត្ថកិច្ចចាប់ខ្លួនឃាតកដែលកាត់ក្បាល យាយចៅ២នាក់យ៉ាងឃោរឃៅ
កំពង់ចាម៖លោក គួច ចំរើន អភិបាលខេត្តកំពង់ចាម បញ្ជាសមត្ថកិច្ចពាក់ព័ន្ធតាមចាប់ខ្លួនឃាតកឱ្យខានតែបាន ដែលសម្លាប់យាយចៅ២នាក់ ដោយកាត់ក្បាលយ៉ាងឃោរឃៅបំផុត ។
ឃាតកម្មមួយដ៏សាហាវ បានកេីតឡេីងក្នុងស្រុកព្រៃឈរ ដោយមិនទាន់ដឹងមូលហេតុអ្វីបានជាឃាតក សម្លាប់កាត់ក្បាលជីដូននិងចៅស្រីយកក្បាលទៅបាត់ បន្សល់ទុកដងខ្លួនក្រោយផ្ទះចម្ងាយ៣៥០ម៉ែត្រ ។
ហេតុការណ៍នេះ បានកេីតឡេីងនៅយប់ថ្ងៃទី២ ខែមេសា ឆ្នាំ២០១៩ ស្ថិតក្នុងភូមិទួលថ្ម ឃុំថ្មពូន ស្រុកព្រៃឈរ ខេត្តកំពង់ចាម ។
បេីតាមសមត្ថកិច្ច បានឲ្យដឹងនៅថ្ងៃទី៣ ខែមេសា ឆ្នាំ២០១៩ ថា ជនរងគ្រោះ មានឈ្មោះ ពូ អូន អាយុ៦៥ឆ្នាំ ភេទស្រី ដែលត្រូវជាជីដូន ក្មេងស្រីឈ្មោះ ខេង សាវឿន មានអាយុ៦ឆ្នាំ មានទីលំនៅស្ថិតក្នុងភូមិទួលថ្ម ឃុំថ្មពូន ស្រុកព្រៃឈរ ខេត្តកំពង់ចាម។
ក្រោយពីទទួលដំណឹងភ្លាមៗ លោក គួច ចំរើន អភិបាលខេត្តកំពង់ចាម បានបញ្ជាឲ្យកងកម្លាំងសមត្ថកិច្ចបានចុះស្រាវជ្រាវ និងកំណត់មុខសញ្ញាជនបង្ក ដោយធ្វេីកោសល្យវិច័យលេីសាកសពជនទាំងពីរនាក់នោះ។
មហាជន ចាត់ទុកថា នេះជាឃាតកម្មដ៏ព្រៃផ្សៃនិងឃោរឃៅបំផុត ដែលមិនអាចលេីកលែងឱ្យឃាតកបានឡើយ ៕
ដោយ៖ឆាយានាថ
