ទោះឈ្នះ Salzburg តែ Liverpool នៅតែឈរលេខរៀងទី២ ក្នុងGroup E
អង់គ្លេស៖ការប្រកួតរវាងក្រុម Liverpool និងក្រុម Salzburg សម្រាប់ការប្រកួតទី២ក្នុងពានរង្វាន់ UEFA Champions League ក្រុមហង្សក្រហមយកឈ្នះក្នុងលទ្ធផល ៤ទល់នឹង៣ ប៉ុន្តែ Liverpool ហាក់ដូចជាមានការធ្វេសប្រហែសច្រើន ខណៈដែលនាំមុខគេដល់ទៅ៣គ្រាប់ទៅហើយ បែរជាបណ្ដោយឲ្យគូប្រកួតតាមបានស្មើគ្នា ៣-៣ នៅត្រឹមនាទី៦០។
ការធ្វេសប្រហែសនេះធ្វើឲ្យលោក Klopp មានអារម្មណ៍មិនពេញចិត្តឡើយចំពោះកូនក្រុម ទោះបីទទួលបាន ៣ពិន្ទុក្តី។ អ្នកចាត់ការរូបនេះថ្លែងថា “ខ្ញុំមិនខឹងកីឡាករយើងទេ ប៉ុន្តែយើងបានបាត់ការគ្រប់គ្រងបាល់។ យើងលេងល្អ ប៉ុន្តែបែរជាមិនអាចលេងតាមយុទ្ធសាស្ត្រ ដែលមិនអាចគ្រប់គ្រងការប្រកួតមួយនេះបានល្អ។ កំហុសរបស់យើងគឺយើងនាំមុខគេ៣គ្រាប់ហើយ តែបែរជាធ្វេសប្រហែសឲ្យ Salzburg រកគ្រាប់បាល់តាមស្មើរវិញ”។
សូមជម្រាបថា ស្ថិតនៅក្នុងGroup E ក្រុម Liverpool លេង២ប្រកួតនៃពានរង្វាន់ UEFA Champions League នេះ ចាញ់១និងឈ្នះ១ ឈរនៅលេខ២ក្នុងតារាង ស្របពេលក្រុមលេខ១ Napoli មាន៤ពិន្ទុ ក្រោយស្មើជាមួយក្រុម Genk ក្នុងលទ្ធផល ០-០ កាលពីយប់មិញនេះ៕
![](https://www.cpc-news.com/wp-content/uploads/2019/10/71800709_10158303618422573_2886871223013212160_n-1.jpg)
![](https://www.cpc-news.com/wp-content/uploads/2019/10/71660684_10158318045497573_7312107574340354048_o-1024x744.jpg)
![](https://www.cpc-news.com/wp-content/uploads/2019/10/71345484_10158309881487573_3554554894545321984_n.jpg)
![](https://www.cpc-news.com/wp-content/uploads/2019/10/71319809_10158318263732573_56674691925934080_n.jpg)