ខ្មែរ 
03
Oct
Oct
ម៉េចចឹង ! ឆ្នាំនេះម្ចាស់មេដាយមាសម៉ូតូទឹកក្នុងព្រឹត្តិការណ៍ Asian Games កីឡាករ សាលី អ៊ូមើត មិនអាចចូលរួមប្រកួតនៅសហរដ្ឋអាមេរិកបានទេ
ភ្នំពេញ៖ពិតជាគួរឱ្យសោកស្តាយជាខ្លាំង ដែលឆ្នាំនេះ កីឡាករ សាលី អ៊ូមើត ម្ចាស់មេដាយមាសម៉ូតូទឹកក្នុងព្រឹត្តិការណ៍ Asian Games មិនអាចចូលរួមប្រកួតម៉ូតូទឹកដណ្ដើមពានរង្វាន់ពិភពលោកនៅសហរដ្ឋអាមេរិកបាន ដោយសារមានបញ្ហារបួស ។
បង្ហាញអារម្មណ៍សោកស្តាយនៅលើបណ្តាញសង្គមហ្វេសប៊ុក នៅថ្ងៃទី៣ ខែតុលា នេះ កីឡាករ សាលី អ៊ូមើត បានសរសេរថា “ថ្ងៃនេះខ្ញុំចង់មកប្រាប់អ្នកគាំទ្រទាំងអស់អោយបានជ្រាបថា ការប្រកួតម៉ូតូទឹកដណ្ដើមពានរង្វាន់ពិភពលោកនៅសហរដ្ឋអាមេរិកឆ្នាំនេះ ខ្ញុំមិនបានទៅចូលរួមកម្មវិធីនោះទេ ដោយសារមានបញ្ហារបួស” ។
លោក បន្តថា “អោយខ្ញុំសុំទោសផងដែលមិនអាចទៅប្រកួតបន្ត ដើម្បីរកជ័យជម្នះមកប្រទេសកម្ពុជាយើង ខ្ញុំពិតជាសោកស្ដាយខ្លាំងណាស់” ។
គួរជម្រាបថា កីឡាករ សាលី អ៊ូមើត ធ្លាប់ប្រកួតម៉ូតូទឹកដណ្តើមបានមេដាយមាស នៅក្នុងព្រឹត្តិការណ៍ Asian Games ហើយបន្តសាងភាពល្បីល្បាញជូនកម្ពុជា តាមរយៈការដណ្តើមបានមេដាយប្រាក់ពិភពលោកនៅសហរដ្ឋអាមេរិក កាលពីឆ្នាំ២០១៨ កន្លងទៅ ៕
