CPC-ស្នងការរាជធានីភ្នំពេញបញ្ជាឲ្យបុគ្គលឈ្មោះ ដែន សូនី ចូលខ្លួនមកសារភាពជុំវិញករណីហិង្សាលើស្រ្តីម្នាក់ ក្នុងខណ្ឌច្បារអំពៅ
![](https://www.cpc-news.com/wp-content/uploads/2024/04/photo_2024-04-04_09-51-34-991x564.jpg)
ភ្នំពេញ៖លោកឧត្តមសេនីយ៍ឯក ជួន ណារិន្ទ ស្នងការធានីភ្នំពេញបានបញ្ជាឲ្យបុគ្គលឈ្មោះ ដែន សូនី ចូលខ្លួនមកសារភាពជុំវិញករណីហិង្សាលើស្រ្តីម្នាក់ ក្នុងខណ្ឌច្បារអំពៅ នេះបើតាមការឲ្យដឹងពីផេកផ្លូវការរបស់ ស្នងការនគរបាលរាជធានីភ្នំពេញ កាលពីថ្ងៃទី០៣ ខែមេសា ឆ្នាំ២០២៤នេះ ។
ការលើកឡើងបែបនេះ ក្រោយឃើញតាមបណ្តាញព័ត៌មានសង្គម បង្ហោះករណីបុរសម្នាក់ បានប្រើអំពើ-ហិ.:ង្សា ទៅលើស្រ្តីម្នាក់នៅក្នុងបន្ទប់ជួល០១កន្លែង។ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នាវេលាម៉ោង៧និង៣០នាទីយប់ថ្ងៃទី០៣ ខែមេសា ឆ្នាំ២០២៤ បានបញ្ជាលោកឧត្តមសេនីយ៍ត្រី ប៊ុន សត្យា ស្នងការរង ទទួលផែនការងារព្រហ្មទណ្ឌ ដឹកនាំកម្លាំងចុះស្រាវជ្រាវនិងឃាត់បុរសនោះយកមកសាកសួរនោះហើយ និងបានបញ្ជាឲ្យបុរសនោះចូលខ្លួនមកសារភាពនៅអធិការដ្ឋាននគរបាលខណ្ឌច្បារអំពៅ ប្ញនៅស្នងការដ្ឋាននគរបាលរាជធានីភ្នំពេញ មុនពេលសមត្ថកិច្ចទៅឃាត់ខ្លួន៕
![](https://www.cpc-news.com/wp-content/uploads/2024/04/430995665_705722518422151_4412784926753305145_n-900x675.jpg)
![](https://www.cpc-news.com/wp-content/uploads/2024/04/434666181_968371581316288_4757615411824614528_n-900x874.jpg)
![](https://www.cpc-news.com/wp-content/uploads/2024/04/435012687_968371587982954_3961199162865116371_n-894x900.jpg)