CPC-អ្នកនាំពាក្យក្រសួងកសិកម្ម ៖ ការយល់ឃើញដ៏ចង្អៀត និងមិនគ្រប់ជ្រុងជ្រោយរបស់លោកចក់ មិនបានផ្តល់យុត្តិធម៌ដល់ការខិតខំប្រឹងប្រែងរបស់រដ្ឋាភិបាលនោះទេ
![](https://www.cpc-news.com/wp-content/uploads/2024/04/photo_2024-04-04_15-23-48-991x564.jpg)
ភ្នំពេញ៖លោក ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានលើកឡើងថា ការយល់ឃើញដ៏ចង្អៀត និងមិនគ្រប់ជ្រុងជ្រោយរបស់លោកចក់ មិនបានផ្តល់យុត្តិធម៌ដល់ការខិតខំប្រឹងប្រែងរបស់រដ្ឋាភិបាលនោះទេ ខណៈការរិះគន់ក្នុងន័យស្ថាបនាគួរផ្សារភ្ជាប់ទៅនឹងការទទួលស្គាល់ពីវឌ្ឍនភាពដែរ។
តាមរយៈបណ្តាញសង្គម ហ្វេសប៊ុក របស់ លោក ឃឹម ហ្វីណង់ នៅរសៀលថ្ងៃទី០៤ ខែមេសា ឆ្នាំ២០២៤ បានមានប្រសាសន៍បញ្ជាក់យ៉ាងដូច្នេះថា ៖បញ្ហាប្រឈមពិតជានៅមាន តែការយល់ឃើញដ៏ចង្អៀត និងមិនគ្រប់ជ្រុងជ្រោយរបស់លោកចក់ មិនបានផ្តល់យុត្តិធម៌ដល់ការខិតខំប្រឹងប្រែងរបស់រដ្ឋាភិបាលនោះទេ។
ការនាំចេញមានការកើនឡើង ទីផ្សារបើកថ្មីជាច្រើន គោលនយោបាយរក្សាស្ថេរភាពថ្លៃកសិផល ការពង្រាយមន្ត្រីកសិកម្មឃុំដើម្បីគាំទ្រដល់កសិករ ជាពិសេស គោលនយោបាយសហគមន៍កសិកម្មទំនើប តើទាំងអស់នេះយកទៅបោះចោលនៅឯណា? ការរិះគន់ក្នុងន័យស្ថាបនាគួរផ្សារភ្ជាប់ទៅនឹងការទទួលស្គាល់ពីវឌ្ឍនភាពដែរ។
កសិផលមិនមែនលក់តែខែធ្លាក់ថ្លៃនោះទេ ក្នុង១ឆ្នាំៗក៏មានពេលដែលតម្លៃល្អ ហើយកសិករបានចំណេញច្រើនដែរ ហើយបើបូកជារួមគឺកសិករនៅតែចំណេញ។ ២០២៣នេះ កម្ពុជានាំកសិផល ៨,៥លានតោនចេញទៅ ៧៨ប្រទេស កើនឡើងជិតមួយជាពីរធៀបនឹង៥ឆ្នាំមុន គិតជាលុយស្មើនឹងជាង ៤០០០លានដុល្លារ។
ជាមួយគ្នានេះ លោកបានបន្ថែមថា ខ្ញុំនៅតែជឿថា បើមិនចំណេញនឹងគ្មានអ្នកបង្កើនការផលិត និងអ្នកប្រឹងនាំចេញទេ ៕
![](https://www.cpc-news.com/wp-content/uploads/2024/04/370428717_852719466219918_8326522614997424305_n.jpg)
![](https://www.cpc-news.com/wp-content/uploads/2024/04/ើៃពណ.jpg)