CPC-ចាប់ខ្លួនយុវជន២នាក់ បញ្ជូនទៅតុលាការពាក់ព័ន្ធករណីឆក់ទូរស័ព្ទដៃ តែមិនបានសម្រេច
![](https://www.cpc-news.com/wp-content/uploads/2024/04/photo_2024-04-05_09-56-56-991x564.jpg)
ភ្នំពេញ៖យុវជន២នាក់ត្រូវកម្លាំងនាយកដ្ឋាននគរបាលព្រហ្មទណ្ឌ ធ្វេីការបង្ក្រាបបានភ្លាមៗ ពាក់ព័ន្ធករណីឆក់ទូរស័ព្ទដៃពីនារីរងគ្រោះ មិនបានសម្រេច នៅចំណុចផ្លូវលេខ១២៥ ក្នុងសង្កាត់បឹងព្រលឹត ខណ្ឌ៧មករា កាលថ្ងៃទី០២ ខែមេសា ឆ្នាំ២០២៤ វេលាម៉ោង១៩៖៤០នាទី ។
ប្រតិបត្តិការនេះ ធ្វើឡើងដោយអនុវត្តតាមបទបញ្ជារបស់ឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ នៅថ្ងៃទី០២ ខែមេសា ឆ្នាំ២០២៤ វេលាម៉ោង១៩៖៤០នាទី លោកឧត្តមសេនីយ៍ត្រី ប៊ុត វណ្ណារដ្ឋ អនុប្រធាននាយកដ្ឋានទទួលផែន បានដឹកនាំកម្លាំងជំនាញការិយាល័យព្រហ្មទណ្ឌកម្រិតធ្ងន់ ដែលមានលោកវរសេនីយ៍ឯក ញ៉ែម វ៉ន នាយការិយាល័យព្រហ្មទណ្ឌកម្រិតធ្ងន់ ដោយមានការចូលរួមពីលោកវរសេនីយ៍ទោ ប៊ុត ស៉ីម៉េង នាយការិយាល័យ ចុះល្បាតតាមបណ្តោយផ្លូវលេខ១៦១កែងផ្លូវលេខ១៩០ ក្នុងសង្កាត់បឹងព្រលឹត ខណ្ឌ៧មករា រាជធានីភ្នំពេញ។
ពេលនោះក៏ប្រទះឃេីញជនសង្ស័យ ជិះម៉ូតូចំនួន០១គ្រឿងមានគ្នាចំនួន០២នាក់ បានធ្វេីសកម្មភាពឆក់ទូរស័ព្ទីនារីរងគ្រោះដែលកំពុងឈរម្នាក់ឯងតែមិនបានសម្រេច។ ភ្លាមនោះកម្លាំងជំនាញការិយាល័យធ្វេីការប្រដេញឃាត់ខ្លួនជនសង្ស័យបានទាំង០២នាក់ នៅចំណុចផ្លូវលេខ១២៥ ក្នុងសង្កាត់បឹងព្រលឹត ខណ្ឌ៧មករា រួមមាន៖*១៖ ឈ្មោះ កែវ សីហាក់ ភេទប្រុស អាយុ១៨ឆ្នាំ ជនជាតិខ្មែរ មុខរបរដឹកជញ្ជូន (អ្នកបេីក)។*២៖ ឈ្មោះ កង រីវីរ៉ូ ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ (ជនដៃដល់)។ ដោយឡែក សម្ភារៈដកហូតមាន ម៉ូតូម៉ាកស៊ុយស៊ូគី និច ពណ៌សលាយខៀវ ពាក់ស្លាកលេខ ភ្នំពេញ 1KQ-7284(របស់ជនសង្ស័យ)។
បច្ចុប្បន្នកម្លាំងជំនាញបាននាំជនសង្ស័យខាងលេី បញ្ជូនទៅអយ្យការអមសាលាដំបូងរាជធានីភ្នំពេញចាត់ការបន្តរតាមនីតិវិធី ៕
![](https://www.cpc-news.com/wp-content/uploads/2024/04/434668893_731204275859272_3391833859753945096_n-675x900.jpg)
![](https://www.cpc-news.com/wp-content/uploads/2024/04/434719640_731204315859268_7765967061871727143_n-675x900.jpg)