ទោះចាញ់ច្រើនគ្រាប់ តែគ្រូបង្វឹកក្លិបបាល់ទាត់ខេត្តកំពង់ចាម នឹងលេងបានល្អនៅប្រកួតក្រោយៗ
ភ្នំពេញ៖គ្រូបង្វឹកក្លិបបាល់ទាត់ខេត្តកំពង់ចាម លោក ថុល វាសនា បានលើកឡើងថា កីឡាករកំពង់ចាម ខ្ញុំទទួលស្គាល់បទពិសោធន៍នៅមានតិចតួចស្តួចស្តើងនៅឡើយ។ ប៉ុន្តែអ្វីដែលចាញ់ថ្ងៃនេះ ខ្ញុំមិនអាក់អន់ស្រពន់ចិត្តអ្វីឡើយ ព្រោះកម្លាំងយើងមិនទាន់គ្រប់គ្រាន់នៅឡើយទេ។
លោកបន្តទៀតថា ក្រុមកីឡាករខាងគេ មានកម្លាំងគ្រប់គ្រាន់ជាង។ កីឡាកររបស់ខ្ញុំនៅក្មេងខ្ចី អុីចឹងបទពិសោធន៍និងបច្ចេកទេសមួយចំនួននៅខ្វះខាត។ ដូច្នេះយើងនឹងព្យាយាមពង្រឹងបន្ថែមទៀត ដើម្បីធ្វើឱ្យបានល្អនៅប្រកួតក្រោយៗទៀត។
នេះបើយោងតាមការចុះផ្សាយនៅលើគេហទំព័រ គណៈកម្មការប្រកួតបាល់ទាត់ជាតិកម្ពុជាឬហៅកាត់ថា CNCC ។
ការលើកបែបនេះក្រោយ ក្លិបបាល់ទាត់ខេត្តកំពង់ចាម ប្រកួតចាញ់ ក្លិបអង្គរថាយហ្គឺរ ក្នុងលទ្ធផល១១ទល់នឹង០ សប្តាហ៍ទី២ លីគកំពូលកម្ពុជានៃពានរង្វាន់ក្របខណ្ឌ Metfone Cambodian League2019។
ទោះជាយ៉ាងណាក៏ដោយ គ្រូបង្គោលក្លិបបាល់ទាត់ខេត្តកំពង់ចាម រំពឹងនិងសង្ឃឹមថា ក្រុមរបស់ខ្លួននឹងលេងបានល្អទៀត សម្រាប់ប្រកួតក្រោយៗទៀត៕
ដោយ៖ស្រុីប ឡានី
![](https://www.cpc-news.com/wp-content/uploads/2019/04/E05A2880-7159-499D-9AC7-2B49C32E9E85.jpeg)
![](https://www.cpc-news.com/wp-content/uploads/2019/04/BC6845A6-C0C0-4B92-8858-EEFB0A89D826.jpeg)
![](https://www.cpc-news.com/wp-content/uploads/2019/04/50FF50E1-86ED-4D2B-80F5-ED627BB02AB9.jpeg)
![](https://www.cpc-news.com/wp-content/uploads/2019/04/D41FEBAF-3901-481F-AC76-0C343B6BD6B7.jpeg)
![](https://www.cpc-news.com/wp-content/uploads/2019/04/A3029901-7A71-41B5-8AD3-E36667B67F76.jpeg)