ខ្មែរ 
CPC-ឆ្មក់បង្រាបទីតាំងខារ៉ាអូខេយីហោ B9 ពាក់ព័ន្ធករណីគ្រឿងញៀន ព្រមទាំងឃាត់ខ្លួនមនុស្ស១៧០នាក់
បន្ទាយមានជ័យ ៖នគរបាលឆ្មក់បង្រាបទីតាំងខារ៉ាអូខេយីហោ B9 រកឃើញវត្ថុតាងគ្រឿងញៀន និងឧបករណ៍ប្រើប្រាស់ និងឃាត់ខ្លួនមនុស្ស១៧០នាក់ ភាគច្រើនជាជនជាតិខ្មែរច្រើនជាងបរទេស កាលពីយប់រំលងអាទ្រាធចូលថ្ងៃទី០៥ ខែមេសា ឆ្នាំ២០២៤នៅសង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។
ប្រតិបត្តិការ ដឹកនាំដោយលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងមានការសម្របសម្រួលពីលោក កើត វ៉ាន់ណារ៉េត ព្រះរាជអាជ្ញាអមសាលាដំបូងខេត្តបន្ទាយមានជ័យ បង្ក្រាបក្លឹបកំសាន្តយីហោឡាំបូគីនីឃាត់ខ្លួនមនុស្សប្រុស.ស្រីចំនួន១២០នាក់ និងហាងខារ៉ាអូខេយីហោB9.KTVឃាត់ខ្លួនមនុស្សប្រុស.ស្រីចំនួន៥០នាក់ដែលសរុបចំនួន១៧០នាក់ដែលភាគច្រើនជាខ្មែរច្រើនជាងជនបរទេសរហូតពេលនេះកំពុងដំណើរការធ្វើតេស្តរកអ្នកប្រើប្រាស់គ្រឿងញៀនបើរកឃើញនិងមានវិធានការតាមច្បាប់បើអ្នកមិនប្រើប្រាស់និងអោយត្រឡប់ទៅផ្ទះវិញ។
បច្ចុប្បន្នមនុស្សប្រុស-ស្រីចំនួន១៧០នាក់ ដែលបានឃាត់ខ្លួនត្រូវបានដឹកជញ្ជូនតាមរថយន្តធុនធំទៅដាក់នៅទីបញ្ជាការដ្ឋាននគរបាលវរៈការពារព្រំដែនគោក៨៩១ដើម្បីធ្វើតេស្តរកសាធាតុញៀន ៕
