ខ្មែរ 
06
May
May
Robert Kiyosaki : បេីចង់ធ្វើជាអ្នកដឹកនាំ ត្រូវចេះធ្វើម្ចាស់លេីពាក្យសម្ដី
អាមេរិក៖Robert Kiyosaki គឺជាអ្នកនិពន្ធសៀវភៅស្តីពីហិរញ្ញវត្ថុដែលមានចំណងជើងថា “Rich DadPoor Dad” ជាប្រភេទសៀវភៅដែលមានការពេញនិយមគ្រប់សម័យកាល។
គាត់ក៏ជាអ្នកជំនួញ អ្នកវិនិយោគ អ្នកនិយាយជំរុញទឹកចិត្ត សកម្មជនដែលមានចំណេះដឹងខាងផ្នែកហិរញ្ញវត្ថុជនជាតិអាមេរិកផងដែរ ។
Robert ពោលថា “បេីចង់ធ្វើជាអ្នកដឹកនាំ ត្រូវចេះធ្វើម្ចាស់លេីពាក្យសម្ដី”។
ជំនាញដ៏ចាំបាច់ម្យ៉ាងដេីម្បីធ្វើជាម្ចាស់ធុរកិច្ច គឺ ត្រូវចេះធ្វើម្ចាស់លេីពាក្យសម្ដី ។ ត្រូវដឹងពាក្យណាប្រេីបានផលនឹងមនុស្សប្រភេទណា ។ ត្រូវចេះយកចិត្តទុកដាក់ស្តាប់ពាក្យសម្ដីរបស់អ្នកដទៃ ដេីម្បីឱ្យដឹងថាគួរប្រើពាក្យសម្ដីបែបណា នៅពេលណា ក្នុងការប្រាស្រ័យទាក់ទងជាមួយមនុស្សឱ្យមានប្រសិទ្ធភាពបំផុត ។
“ពាក្យមួយម៉ាត់អាចធ្វើឱ្យ អ្នកដទៃរំភើប ហើយក៏អាចធ្វើឱ្យមនុស្សខ្លះធុញទ្រាន់ដែរ” ដូចជាពាក្យ”ហានិភ័យ”អាចស្តាប់ទៅគួរឱ្យរំភើបសម្រាប់វិនិយោគិន តែសម្រាប់អ្នកធ្វើការឱ្យគេវិញ បែរជាគួរឱ្យភ័យខ្លាចបំផុតទៅវិញ។
ប្រសិនបេីចង់ធ្វើជាអ្នកដឹកនាំដ៏ល្អ អ្នកត្រូវហ្វឹកហាត់ធ្វើជាអ្នកស្តាប់ដ៏ល្អសិន ព្រោះបើយើងមិនចេះស្ដាប់ យេីងនឹងមិនអាចដឹងឱ្យស៊ីជម្រៅអំពីចិត្តគំនិតរបស់អ្នកនិយាយបានទេ ហេីយបេីមិនព្រមស្តាប់សំឡេងពីក្នុងចិត្តគំនិតរបស់គេទេ នោះយើងនឹងគ្មានថ្ងៃដឹងថាបុគ្គលម្នាក់នោះជានរណាឡើយ ៕
