គណៈកម្មាធិការសិទ្ធិមនុស្សកម្ពុជា ៖ របាយការណ៍ចោទប្រកាន់ដោយលម្អៀង និងគ្មានមូលដ្ឋានរបស់អង្គការស្ថាប័នមួយចំនួន មិនបានឆ្លុះបញ្ចាំងការពិតជាក់ស្តែងនៅកម្ពុជានោះទេ
ភ្នំពេញ៖គណៈកម្មាធិការសិទ្ធិមនុស្សកម្ពុជា សម្តែងការហួសចិត្តនូវរបាយការណ៍ចោទប្រកាន់ដោយលម្អៀង និងគ្មានមូលដ្ឋានច្បាស់លាស់ ពីសំណាក់ក្រុម និងអង្គការ ស្ថាប័នមួយចំនួន ដែលមាននិន្នាការនយោបាយប្រឆាំងនឹងរាជរដ្ឋាភិបាល ដោយការរបាយការណ៍ និងការសន្និដ្ឋាននានាជុំវិញការគោរពសិទ្ធិមនុស្សនៅកម្ពុជា ខណៈកម្ពុជាមានឆន្ទៈខ្ពស់ និងការការពារសិទ្ធិមនុស្សបានយ៉ាងល្អ។
គណៈកម្មាធិការសិទ្ធិមនុស្សកម្ពុជា ចេញសេចក្តីជូនព័ត៌មានមួយ ស្តីពី “បច្ចុប្បន្នភាពនៃស្ថានភាពសិទ្ធិមនុស្ស និងការអនុវត្តច្បាប់ក្នុងការលើកស្ទួយប្រជាធិបតេយ្យ និងនីតិរដ្ឋនៅកម្ពុជា” នៅថ្ងៃទី៧ ខែតុលា ឆ្នាំ២០២០ នេះថា “ របាយការណ៍ការចោទប្រកាន់ដោយលម្អៀង និងគ្មានមូលដ្ឋានរបស់ក្រុម និងអង្គការ ស្ថាប័នមួយចំនួន ដែលមាននិន្នាការនយោបាយប្រឆាំងនឹងរាជរដ្ឋាភិបាល មិនបានឆ្លុះបញ្ចាំងពីការពិតជាក់ស្តែងនៅកម្ពុជានោះទេ” ។
គណៈកម្មាធិការសិទ្ធិមនុស្សកម្ពុជា បន្តថា របាយការណ៍ទាំងនេះ គ្រាន់តែធ្វើការប្រមូល បូកសរុបនូវព្រឹត្តិការណ៍ និងធ្វើការសន្និដ្ឋានតែលើរូបភាពខាងក្រៅតែប៉ុណ្ណោះ ពោលគឺមិនបានសិក្សាលើមូលហេតុលម្អិតដែលនាំអោយកើតមានព្រឹត្តិការណ៍នីមួយៗ ទិដ្ឋភាព និងនីតិច្បាប់ អង្គហេតុនៃបទល្មើស និងអំពើដែលជាធាតុផ្សំនៃបទល្មើស ដែលនាំអោយមានការទទួលខុសត្រូវតាមផ្លូវច្បាប់នោះទេ ។
គណៈកម្មាធិការសិទ្ធិមនុស្សកម្ពុជា សង្កត់ធ្ងន់ថា ជាទម្លាប់របស់អង្គការទាំងនេះ កាលណាអាជ្ញាធរអនុវត្តច្បាប់លើក្រុមគោលដៅដែលគេមានរបៀបវារៈច្បាស់លាស់ក្នុងការការពារ ដូចជាសកម្មភាពអតីតបក្សប្រឆាំង សកម្មជនអង្គការសង្គមស៊ីវិល ដែលមាននិន្នាការប្រឆាំង ពួកគេតែងតែធ្វើការសន្និដ្ឋាន និងចោទប្រកាន់ថា ជាការរំលោភសិទ្ធិមនុស្ស ដោយមិនធ្វើការពិចារណាទៅទិដ្ឋភាព និងនីតិវិធីច្បាប់ អង្គហេតុជាធាតុផ្សំនាំឲ្យកើតជាបទល្មើស នាំឲ្យមានការទទួលខុសត្រូវតាមផ្លូវច្បាប់ និងការចោទប្រកាន់តាមផ្លូវតុលាការនោះទេ៕
![](https://www.cpc-news.com/wp-content/uploads/2020/10/photo_2020-10-07_08-31-54-798x1024.jpg)
![](https://www.cpc-news.com/wp-content/uploads/2020/10/photo_2020-10-07_08-31-55-1-790x1024.jpg)
![](https://www.cpc-news.com/wp-content/uploads/2020/10/photo_2020-10-07_08-31-56-800x1024.jpg)
![](https://www.cpc-news.com/wp-content/uploads/2020/10/photo_2020-10-07_08-31-57-789x1024.jpg)
![](https://www.cpc-news.com/wp-content/uploads/2020/10/photo_2020-10-07_08-31-59-797x1024.jpg)
![](https://www.cpc-news.com/wp-content/uploads/2020/10/photo_2020-10-07_08-32-00-784x1024.jpg)
![](https://www.cpc-news.com/wp-content/uploads/2020/10/photo_2020-10-07_08-32-01-792x1024.jpg)