ជម្រើសជាតិកម្ពុជា បំបាក់ក្រុមប៉ាគីស្ថាន ២៖០ នៃពានរង្វាន់ FIFA World Cup សម្រាប់ឆ្នាំ២០២២
ភ្នំពេញ៖ការប្រកួតវគ្គជម្រុះជុំទី១ នៃពានរង្វាន់ FIFA World Cup សម្រាប់ឆ្នាំ២០២២ រវាងជម្រើសជាតិកម្ពុជានិងប៉ាគីស្ថាននៅកីឡដ្ឋានជាតិអូឡាំពិក កាលយប់ ថ្ងៃទី ៦ ខែ មិថុនា ពិតជាស្វិតស្វាញ ក្រោមដំណក់ទឹកភ្លៀងនិងអ្នកទស្សនាផ្ទាល់ប្រមាណជាង ៣ម៉ឺននាក់។
ការប្រកួតកាន់តែស្វិតស្វាញ ក្រោយចប់តង់ទី១ ក្រុមទាំងពីររក្សាលទ្ធផល០ទល់នឹង០។ សម្រាប់កម្ពុជាមានឱកាសក្នុងការស្វែងរកគ្រាប់ច្រើនដែរ ប៉ុន្តែហាក់ធ្វើមិនបានល្អ។ ចូលតង់ទី២ ក្រុមប៉ាគីស្ថាន មានឱកាសរកគ្រាប់បាល់ណាស់ដែរ ប៉ុន្តែនៅតែមិនអាចសម្រេចទីកម្ពុជាបាន។
ការវាយបកគ្នាទៅវិញទៅមករហូតជាង៨០នាទី ក្រុមទាំងតែរក្សាលទ្ធផលដដែល ខណៈនៅនាទីទី៨២ កម្ពុជាមានឱកាសទម្លុះសំណាញ់ទីប៉ាគីស្ថានបានដោយកីឡាករវ័យក្មេង សៀង ចន្ធា ធ្វើឲ្យអ្នកគាំស្រែកហ៊ោសប្បាយរីករាយពេញទីលាន។ ៣នាទីបន្ទាប់ ខ្សែបម្រើប្រយុទ្ធគោចាស់វស្សាកម្ពុជា គួច សុកុម្ភៈរកបាន ១គ្រាប់ទៀត ចប់ការប្រកួតគោព្រៃកម្ពុជា ឈ្នះក្រុមភ្ញៀវប៉ាគីស្ថានក្នុងលទ្ធផល ២ទល់នឹង០។
សូមជម្រាបផងដែរថា ការប្រកួតវគ្គជម្រុះនៃពានរង្វាន់ FIFA World Cup សម្រាប់ឆ្នាំ២០២២ នៅប្រទេសកាតាជើងទី២ ជម្រើសជាតិកម្ពុជានឹងត្រូវធ្វើដំណើរទៅលេងនៅទឹកដីកណ្តាលនៃប្រទេសកាតា ដែលប៉ាគីស្ថានជាម្ចាស់ផ្ទះ នៅថ្ងៃទី១១ ខែមិថុនា ឆ្នាំ២០១៩ ខាងមុខនេះ៕
ដោយ៖ស្រ៊ីប ឡានី
![](https://www.cpc-news.com/wp-content/uploads/2019/06/photo_2019-06-07_08-23-41-2.jpg)
![](https://i0.wp.com/www.cpc-news.com/wp-content/uploads/2019/06/photo_2019-06-07_08-23-41.jpg?fit=1000%2C682&ssl=1)
![](https://www.cpc-news.com/wp-content/uploads/2019/06/photo_2019-06-07_08-23-42-1.jpg)
![](https://i2.wp.com/www.cpc-news.com/wp-content/uploads/2019/06/photo_2019-06-07_08-26-00-2.jpg?fit=1000%2C666&ssl=1)
![](https://i0.wp.com/www.cpc-news.com/wp-content/uploads/2019/06/photo_2019-06-07_08-26-00.jpg?fit=1000%2C666&ssl=1)