តូក្យូ៖ កាសែត Yomiuri បានរាយការណ៍នៅថ្ងៃទី៨ ខែតុលានេះថា ប្រទេសជប៉ុនគ្រោងនឹងលុបចោលការហាមឃាត់ការធ្វើដំណើរទៅក្រៅប្រទេសទាំង ១២ប្រទេសនៅខែក្រោយនេះហើយ។

ប្រទេសទាំង ១២នោះរួមមាន តៃវ៉ាន់ អូស្ត្រាលី ញូវហ្សេឡែន សិង្ហបុរី កូរ៉េខាងត្បូង វៀតណាម និងម៉ាឡេស៊ីជាដើម។

ដោយឡែកចំពោះជនជាតិជប៉ុនដែលគ្រោងនឹងវិលត្រឡប់មកប្រទេសជប៉ុនវិញ និងអ្នកដែលកាន់ទិដ្ឋាការយៈពេលវែង ពួកគេត្រូវធ្វើចត្តាឡីស័ក ឬយកទៅព្យាបាលអាស្រ័យការពិនិត្យសុខភាព។

ប្រព័ន្ធផ្សព្វផ្សាយបានរាយការណ៍ថាការមកដល់បែបនេះត្រូវតែដាក់ជូននូវការធ្វើដំណើរនិងលទ្ធផលតេស្ត PCR អវិជ្ជមាននៅពេលមកដល់ ហើយពួកគេនឹងមិនត្រូវបានអនុញ្ញាតឱ្យប្រើប្រាស់មធ្យោបាយធ្វើដំណើរសាធារណៈនៅពេលពួកគេត្រឡប់មកវិញនោះទេ។

សូមជម្រាបថា កាលពីកន្លងទៅប្រទេសជប៉ុនបានបន្ធូរបន្ថយការធ្វើដំណើរពីរផ្លូវរួចទៅហើយជាមួយបណ្តាប្រទេសដូចជាកូរ៉េខាងត្បូង និងវៀតណាម ខណៈពេលដែលអនុញ្ញាតឱ្យចូលពីខែតុលាសម្រាប់អ្នកស្នាក់នៅរយៈពេលវែង៕