CPC-ខណ្ឌរដ្ឋបាលជលផល និងអាជ្ញាធរខេត្តកំពត បង្ក្រាបទីតាំងផលិត និងលក់ឧបករណ៍ឆក់ត្រី នៅស្រុកអង្គរជ័យ
![](https://www.cpc-news.com/wp-content/uploads/2024/02/photo_2024-02-08_10-08-50-991x564.jpg)
កំពត៖ដោយមានការអនុញ្ញាតពីព្រះរាជអាជ្ញានៃអយ្យការអមសាលាដំបូងខេត្តកំពត ក្រុមការងារខណ្ឌរដ្ឋបាលជលផល សហការជាមួយរដ្ឋបាលស្រុក និងអធិការដ្ឋាននគរបាលស្រុកអង្គរជ័យ បានចុះបង្ក្រាបទីតាំងផលិត និងលក់ឧបករណ៍ឆក់ត្រី នៅភូមិសង្កែបង្វែ ឃុំភ្នំកុង ស្រុកអង្គរជ័យ ខេត្តកំពតនៅថ្ងៃទី៧ ខែកុម្ភៈ ឆ្នាំ២០២៤។
នៅក្នុងយុទ្ធនាការចុះបង្ក្រាបនេះ សមត្ថកិច្ចនិងអាជ្ញាធរពាក់ព័ន្ធ បានដកហូតវត្ថុតាងនៅទីតាំងជាក់ស្ដែង រួមមាន ឧបករណ៍អាំងវែទ័រឆក់ត្រីចំនួន ១១គ្រឿង និងឧបករណ៍គ្រឿងបង្គំចំនួន ១៦គ្រឿង ព្រមទាំងបានឃាត់ខ្លួនអ្នកផលិតឧបករណ៍ឆក់ទាំងនេះចំនួន២រូប ក្នុងនោះ ម្នាក់ឈ្មោះ នាង សារ៉ាក់ ភេទប្រុស អាយុ៤០ឆ្នាំ និងម្នាក់ទៀតឈ្មោះ យែម ភា ភេទប្រុស អាយុ៤៤ឆ្នាំ។
រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ សូមអំពាវនាវដល់អ្នកផលិត ឬអ្នកប្រើប្រាស់ឧបករណ៍ឆក់ត្រី ឱ្យបញ្ឈប់រាល់សកម្មភាពខុសច្បាប់ទាំងនេះជាបន្ទាន់ និងត្រូវប្រគល់ឧបករណ៍ឆក់ដោយស្ម័គ្រចិត្ត ដល់មន្រ្តីរដ្ឋបាលជលផល ឬអាជ្ញាធរមូលដ្ឋានមានសមត្ថកិច្ច ដើម្បីជៀសវាងការទទួលទោសតាមច្បាប់ស្តីពីជលផល៕
![](https://www.cpc-news.com/wp-content/uploads/2024/02/425595080_820748196764482_7644291628870668938_n.jpg)
![](https://www.cpc-news.com/wp-content/uploads/2024/02/425723269_820748170097818_2732290027734615507_n.jpg)
![](https://www.cpc-news.com/wp-content/uploads/2024/02/425805445_820748143431154_3097848762857179947_n.jpg)
![](https://www.cpc-news.com/wp-content/uploads/2024/02/425836073_820748060097829_7491300666571102539_n-1.jpg)
![](https://www.cpc-news.com/wp-content/uploads/2024/02/425879521_820748313431137_7791770194926840287_n-900x720.jpg)
![](https://www.cpc-news.com/wp-content/uploads/2024/02/426321290_820748320097803_3615364537336023518_n-674x900.jpg)