ខ្មែរ 
CPC-រូបនាគធ្វើពីឫស្សីលាបពណ៌មាស បានលេចរូបរាងយ៉ាងស្រស់ស្អាត នៅរមណីយដ្ឋានវប្បធម៍ប្រវត្តិសាស្រ្តវត្តភ្នំ
ភ្នំពេញ៖រូបនាគធ្វើពីឫស្សីលាបពណ៌មាស បានលេចរូបរាងយ៉ាងស្រស់ស្អាត នៅរមណីយដ្ឋានវប្បធម៍ប្រវត្តិសាស្រ្តវត្តភ្នំ នេះបើយោងតាមគណនីហ្វេសប៊ុក របស់ លោក កើត ឆែ អភិបាលរងរាជធានីភ្នំពេញ នៅរសៀលថ្ងៃទី០៨ ខែមេសា ឆ្នាំ២០២៤ នេះ ។
លោក កើត ឆែ បានឪ្យដឹងថា សកម្មភាពក្រុមការងាររៀបចំសង្ក្រាន្តវត្តភ្នំ កំពុងតែមមាញឹករៀបចំ រូបនាគធ្វើពីឫស្សីលាបពណ៌មាសយ៉ាងស្រស់ស្អាត នៅរមណីយដ្ឋានវប្បធម៍ប្រវត្តិសាស្រ្តវត្តភ្នំ សូមបងប្អូនប្រជាពលរដ្ឋ អញ្ជេីញចូលរួមកម្សាន្តសប្បាយនៅសង្ក្រាន្តវត្តភ្នំ ឱ្យបានច្រេីនកុះករ ក្រោមម្លប់សន្តិភាពដ៏ត្រជាក់ជុំ ។
️
សូមជម្រាបផងដែរថា រដ្ឋបាលរាជធានីភ្នំពេញ នឹងរៀបចំព្រឹត្តិការណ៍សង្រ្កាន្តវត្តភ្នំ នារមណីយដ្ឋានវប្បធម៍ប្រវត្តិសាស្រ្តវត្តភ្នំ រយៈពេល ០៤ថ្ងៃ ចាប់ពីថ្ងៃទី១៣ ដល់ថ្ងៃទី១៦ ខែមេសា ឆ្នាំ២០២៤ ខាងមុខនេះ ៕
