ក្រសួងសុខាភិបាល សម្រេចយករាល់ថ្ងៃចន្ទនៃសប្តាហ៍នីមួយៗ ធ្វើសន្នីសីទកាសែតជុំវិញ បច្ចុប្បន្នភាពជំងឺកូវីដ-១៩
ភ្នំពេញ៖នៅថ្ងៃពុធ ទី៨ ខែមេសា នេះ ក្រសួងសុខាភិបាល បានចេញសេចក្តីជូនព័ត៌មានមួយស្តីពី ការធ្វើសន្នីសីទសារព័ត៌មានអំពីបច្ចុប្បន្នភាពជំងឺកូវីដ១៩ ដែលនឹងប្រព្រឹត្តទៅជារៀងរាល់ថ្ងៃចន្ទនៃសប្តាហ៍នីមួយៗ វេលាម៉ោង ៩៖៣០នាទីព្រឹក នៅទីស្តីការក្រសួងសុខាភិបាល។
ការសម្រេចនេះធ្វើឡើងយោងតាមការសម្រេចដ៏ខ្ពង់ខ្ពស់របស់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅក្នុងសន្និសីទសារព័ត៌មាន កាលពីព្រឹកថ្ងៃទី៧ ខែមេសា នៅវិមានសន្តិភាព នៃទីស្តីការគណៈរដ្ឋមន្ត្រី។
សូមជម្រាបថា សន្និសីទសារព័ត៌មាននេះ មានគោលបំណងជម្រាបជូនដល់អ្នកសារព័ត៌មាន និងប្រជាពលរដ្ឋកម្ពុជានៅទូទាំងប្រទេស អំពីស្ថានភាព និងបច្ចុប្បន្នភាពជំងឺកូវីដ១៩ រាយការណ៍អំពីការរាត្បាត និងអន្តរាគមឆ្លើយតប និងផ្តល់ព័ត៌មានស្តីពីវិធានការទប់ស្កាត់នៃការផ្ទុះឡើងនៃជំងឺកូវីដ១៩ ផងដែរ៕
![](https://www.cpc-news.com/wp-content/uploads/2020/04/photo_2020-04-08_12-19-04-1024x576.jpg)
![](https://www.cpc-news.com/wp-content/uploads/2020/04/photo_2020-04-08_12-19-30-722x1024.jpg)