ខ្មែរ 
10
Oct
Oct
មុនកម្ពុជា ប៉ះអ៊ីរ៉ង់យប់នេះ តើគ្រូបង្វឹកក្រុមទាំងពីរនិយាយអ្វីខ្លះ?
តេហេរ៉ង់៖ ក្រុមបាល់ទាត់ជម្រើសជាតិអ៊ីរ៉ង់ នឹងត្រូវបើកទ្វារផ្ទះទទួលក្រុមជម្រើសជាតិកម្ពុជា នៅកីឡដ្ឋាន Azadi Stadium ដើម្បីធ្វើការ ជម្រុះជម្រើសរើសយកជើងខ្លាំងជុំទី២ សម្រាប់ចូលរួមវគ្គ៣២ក្រុមបន្តនៅប្រទេសកាតា ឆ្នាំ២០២២។
នៅមុនការប្រកួតមកដល់នៅយប់នេះ គ្រូបង្វឹកទាំងពីរបានបញ្ចេញវោហារស័ព្ទ និងបង្ហាញឆន្ទៈរៀងខ្លួនៗ។ “វានឹងក្លាយជាឱកាសដ៏ល្អ សម្រាប់យើងក្នុងការសាកល្បងខ្លួនយើងពីព្រោះយើងនឹងប្រកួតជាមួយក្រុមខ្លាំងមួយនៅអាស៊ី។ ខ្ញុំសង្ឃឹមថា យើងនឹងបោះជំហាន មួយជំហានទៀតស្របតាមផែនការរបស់យើងដើម្បីកែលំអវិស័យបាល់ទាត់នៅកម្ពុជា”។ នេះជាសម្ដីរបស់ លោក Felix Dalmas គ្រូបង្វឹកក្រុមគោព្រៃកម្ពុជានៅក្នុងសន្និសីទសារព័ត៌មានកាលពីថ្ងៃទីពុធម្សិលមិញនេះ។
ដោយឡែក គ្រូបង្វឹកអ៊ីរ៉ង់វិញ ក៏បាននិយាយក្នុងសន្និសីទកាសែតមុនការប្រកួតនោះថា៖ បំបាក់កម្ពុជាក្នុងដីគឺជាគោលបំណងរបស់ពួក យើង!“យើងចង់រក្សាដំណើរឡើងទៅវគ្គជម្រុះហើយឈ្នះការប្រកួតឲ្យបានច្រើន។នេះគឺជាគម្រោងរយៈពេលខ្លីរបស់យើង! លេងបែបប្រយុទ្ធលឿនៗគឺជាអ្វីដែលយើងចង់បានក្នុងវគ្គនេះ។យើងចង់បញ្ចប់ការប្រកួតប្រជែងជាក្រុមដែលឈរកំពូលតារាង”។
គួរជម្រាបជូនដែរថា ការប្រកួតនេះនឹងមានភាពតានតឹងខ្លាំងសម្រាប់កម្ពុជា ដោយសារកត្តាអាកាសធាតុ និងមួយទៀតអ៊ីរ៉ង់ គឺជាក្រុមខ្លាំង ចំណាត់ថ្នាក់លេខ១ប្រចាំទ្វីបអាស៊ី ហើយការប្រកួតនឹងចាប់ផ្តើមនៅវេលាម៉ោង ៨៖៣០នាទី ម៉ោងនៅកម្ពុជា៕
