CPC-លម្អិតព័ត៌មាន ជុំវិញការប្រឌិតរឿងរបស់បុរសម្នាក់ថា មានចោរប្លន់ក្នុងតំបន់បឹងកក់កាលពីយប់មិញ
![](https://www.cpc-news.com/wp-content/uploads/2024/01/photo_2024-01-11_14-18-14-991x564.jpg)
ភ្នំពេញ ៖ បុរសម្នាក់បែកគំនិតប្រឌិតរឿងករណីចោរប្លន់ម៉ូតូធ្វេីអោយផ្អេីលប្រជាពលរដ្ឋ អ្នកសារព័ត៌មាន ជាពិសេសគឺសមត្ថកិច្ចជំនាញខណ្ឌដូនពេញ រវល់មួយយប់ទល់ភ្លឺ បើកការស្រាវជ្រាវទើបដឹងថាបុរសខាងលើប្រឌិតរឿងថាមានជនសង្ស័យប្លន់យកម៉ូតូ ។
គួររំលឹកថាកាលពីថ្ងៃទី១០ ខែមករា ឆ្នាំ២០២៣ វេលាម៉ោង២០ម៉០០នាទី បុរសឈ្មោះ លី រ៉ូហ្សា ភេទប្រុស អាយុ៣២ឆ្នាំ បានប្រឌិតថា រូបគេបានជិះម៉ូតូមួយគ្រឿងម៉ាក PCX ពណ៌ស ពាក់ស្លាកលេខ ភ្នំពេញ 1JM-4567 ឌុបកូនស្រីនៅខាងមុខ ជិះចេញពីផ្ទះក្នុងសង្កាត់បឹងកក់២ តាមផ្លូវស្រែផ្ទះសំណាក់លាភ ដេីម្បីដេីរលេង ពេលជិះមកដល់ចំណុច ខាងលិចរដ្ឋករទឹក ក៏ស្រាប់តែមានជនសង្ស័យ២នាក់ ជិះម៉ូតូមួយគ្រឿង ម៉ាកADV ពណ៌ខ្មៅបិទគ្រឿម ជិះមកអែបខាងឆ្វេងដៃ គៀរអោយចូលខាង ហេីយស្រែកថា ហែងចុះពីលេីម៉ូតូ ភ្លាមនោះជនង្ស័យដែលជិះពីក្រោយបានលោតចុះពីលេីម៉ូតូ ហេីយយកដៃលូកចូលហោប៉ៅជនរងគ្រោះ យកទូរស័ព្ទដៃ ដោយសារតែខ្លាចគ្រោះថ្នាក់ដល់កូនតូច ជនរងគ្រោះមិនតប តទេ បន្ទាប់មកជនសង្ស័យដែលជិះពីក្រោយបានយកវត្ថុរឹងមកវាយចំក្បាលពីខាងក្រោយ និងបានឡេីងជិះម៉ូតូជនរងគ្រោះគេចខ្លួនបាត់រហូតដល់ព្រឹកថ្ងៃទី១១ខែមករា ឆ្នាំ២០២៤ ទេីបសមត្ថកិច្ចយេីងស្រាវជ្រាវដឹងថា គ្មានករណីប្លន់ម៉ូតូកេីរឡេីងទេ ហេីយនៅម៉ោងកេីតហេតុ បុរសឈ្មោះ លី រ៉ហ្សា បានជិះម៉ូតូយកទៅផ្ញេីរក្នុងសណ្ឋាគារភ្នំពេញ ។
បើតាមចម្លើយសារភាពរបស់បុរសខាងលើបានអោយដឹងថា ខ្លួនមានវិបត្តិគ្រួសារដោយសារតែគ្មានអ្នកយកចិត្តទុកដាក់លើខ្លួនទើបប្រឌិតរឿងនេះឡើងដើម្បីអោយគ្រួសារមានការ បារម្ភលើខ្លួននឹងយកចិត្តទុកដាក់លើខ្លួន ដោយយកម៉ូតូយកទោផ្ញើក្នុងសណ្ឋាគារភ្នំពេញរួចបានហៅកង់បីជិះមកតំបន់បឹងកក់វិញរួចយក ក្រវិលកំប៉ុងភេសជ្ជៈយកមក ឆូតករបស់ខ្លួនរួចបានខ្ចីទូរស័ព្ទសន្តិសុខតេប្រាប់បងថ្លៃថាមានជនសង្ស័យប្លន់យកម៉ូតូរបស់ខ្លួនបង្កមានការភ្ញាក់ផ្អើលសមត្ថកិច្ចចុះ អន្តរាគមន៍នៅទីតាំងកន្លែងកើតហេតុភ្លាមៗ ។
ក្រោយកម្លាំងសមត្ថកិច្ចសាកសួរនាំរួច និងអនុវត្តតាមនីតិវិធីលើបុរសខាងលើដែលបានប្រឌិតរឿងនាំឲ្យមានការជ្រួលច្របល់ ៕