ខ្មែរ 
CPC-សមត្ថកិច្ចជលផលខេត្តកែបឃាត់ទូកនេសាទល្មើសមុជចាប់ខ្យង ១គ្រឿងកសាងសំណុំរឿងដើម្បីដោះស្រាយតាមនីតិវិធីច្បាប់
កែប៖សមត្ថកិច្ចខណ្ឌរដ្ឋបាលជលផលកែប បានឃាត់ចាប់ទូកនេសាទល្មើស១គ្រឿង និងជនសង្ស័យ ៣នាក់ ដែលប្រើឧបករណ៍ទុយោខ្យល់រួមផ្សំ មុជចាប់ខ្យងនៅខាងលិចកោះទន្សាយ ចម្ងាយប្រមាណ៥គីឡូម៉ែត្រនៅថ្ងៃទី១១ ខែមករា ឆ្នាំ២០២៤នេះ នៅវេលាម៉ោង ១១:១៥នាទីព្រឹក ក្នុងភូមិសាស្ត្រភូមិថ្មី សង្កាត់ព្រៃធំ ក្រុងកែប ខេត្តកែប។
ក្រៅពីឃាត់ចាប់ទូកនេសាទ និងជនសង្ស័យ សមត្ថកិច្ចជលផលក៏បានរឹបអូសវត្ថុតាងមួយចំនួនរួមមាន៖- ទូកយន្តបណ្តោយ១៤ម៉ែត្រ ទទឹង៣ម៉ែត្រ ជម្រៅ១ម៉ែត្រ ម៉ាស៊ីនម៉ាកISUZU93 កម្លាំង៤០សេះ ០១គ្រឿង- ម៉ាស៊ីនខ្យល់កម្លាំង២៤សេះ ០១គ្រឿង- ទុយោខ្យល់ប្រវែង ៤០០ម៉ែត្រ សំណ ២ខ្សែ ទំងន់២៤គ.ក្រ
បច្ចុប្បន្ន ចំពោះករណីនេះ សមត្ថកិច្ចជលផលកំពុងរៀបចំសំណុំរឿងពិន័យអន្តរការណ៍តាមនីតិវិធីច្បាប់៕
