អ៊ីតាលី៖គេហទំព័រ All Football ចុះផ្សាយកាលពីថ្ងៃទី១១ ខែកក្កដា ម្សិលមិញថា អតីតកីឡាករនៅក្លិប Napoli កីឡាករ Roberto Carlos Pampa Sosa យល់ឃើញថា ខ្សែប្រយុទ្ធ James Rodriguez មិនគួរចង់បានអាវលេខ១០ នៅក្លិប Napoli ឡើយ។

អតីតកីឡាករនៅក្លិប Napoli រូបនេះបញ្ជាក់ថា “ខ្ញុំនឹងមិនផ្តល់អាវលេខ១០ ឲ្យគាត់ទេ ទោះបីគាត់មានទេពកោសល្យ ប៉ុន្តែខ្សែប្រយុទ្ធរូបនេះមិនសាកសមពាក់វាទេ ហើយទម្រង់លេងរបស់គាត់មិនបាន ១% នៃអតីតខ្សែប្រយុទ្ធ Diego Maradona ផង”។

សូមជម្រាបថា ការដែលកំពុងវែកញែករកម្ចាស់អាវលេខ១០ នៅក្លិបNapoli នេះ បន្ទាប់ពីលេចលឺដំណឹងថា ខ្សែប្រយុទ្ធជម្រើសជាតិកូឡំប៊ីរូបនេះនឹងផ្ទេរទៅលេងនៅក្លិប Napoli ស្របពេលក្លិបនេះក៏ចង់បានខ្សែប្រយុទ្ធរូបនេះ ហើយក្លិប Real Madrid ក៏មានចេតនាចង់លក់ផងដែរ៕ ដោយ៖ស្រ៊ីប ឡានី