រុស្ស៊ីនឹងមានមជ្ឈមណ្ឌលអវកាសជាតិ ដេីម្បីបង្កើនសមត្ថភាពក្នុងការរុករក និងប្រព័ន្ធចាប់យកចម្ងាយនៃផែនដី ឆាប់ៗនេះ
ម៉ូស្គូ៖រុស្ស៊ីនឹងសាងសង់មជ្ឈមណ្ឌលអវកាសជាតិរបស់ខ្លួន ដើម្បីបង្កើនសមត្ថភាពរបស់ផ្កាយរណប ក្នុងការសម្រេចអោយបាននូវ “បដិវត្តន៍” ក្នុងការទំនាក់ទំនងការរុករក និងប្រព័ន្ធសម្រាប់ការចាប់យកចម្ងាយនៃផែនដី ។
នៅក្នុងអំឡុងពេលទស្សនកិច្ចក្រុមហ៊ុនផលិតម៉ាស៊ីនរ៉ុក្កែត Energomash លោក Vladimir Putin ប្រធានាធិបតីរុស្ស៊ី បានថ្លែងថា “ខ្ញុំចង់ឱ្យវាមើលទៅទំនើបទាន់សម័យនិងភាពសក្ដិសមនៃឧស្សាហកម្មនេះដូច្នេះសក្តានុពលផ្នែកវិទ្យាសាស្ត្រនិងអប់រំរបស់យើងអាចត្រូវបានប្រមូលផ្តុំនៅទីនោះ” ។
គម្រោងនេះ នឹងសាងសង់អោយបានរួចរាល់នៅឆ្នាំ២០២២ ដោយចំណាយទឹកប្រាក់ជិត ៣៩០លានដុល្លារអាមេរិក និងបង្កេីតការងាររហូតដល់ ២០,០០០កន្លែង ។
នេះបេីតាមការផ្សាយរបស់សារព័ត៌មាន ចិន ស៊ីនហួរ ថ្ងៃទី១៣ ខែមេសា ឆ្នាំ២០១៩ នេះ ។
គួរជម្រាបថា កាលពីដើមខែកុម្ភៈ កន្លងទៅលោក ពូទីន ធ្លាប់បាននិយាយថា លោកចង់បានមជ្ឈមណ្ឌលអវកាសជាតិមួយ ព្រោះវាចាំបាច់ក្នុងការបង្កើនសមត្ថភាពរបស់ផ្កាយរណបរុស្ស៊ីដើម្បីសម្រេចបាននូវ “បដិវត្តន៍” ក្នុងការទំនាក់ទំនងការរុករកនិងប្រព័ន្ធសម្រាប់ការចាប់យកពីចម្ងាយនៃផែនដី ។
យោងតាមការបង្ហាញ មជ្ឈមណ្ឌលនេះនឹងរួមបញ្ចូលការិយាល័យកណ្តាលនៃអង្គភាពរ៉ុក្កែត អវកាសធំៗ ការិយាល័យរចនា និងអង្គភាពឯកទេសនៃអង្គការស្រាវជ្រាវនិងអប់រំជាដេីម ៕
ដោយ៖វីរ៉ា វីន
![](https://www.cpc-news.com/wp-content/uploads/2019/04/273AF25F-32A9-4A9B-99D6-1AC5F3E3D087.jpeg)
![](https://www.cpc-news.com/wp-content/uploads/2019/04/20E7ACB3-C116-4275-9F5F-38FDA4C5787D.jpeg)