អស្ចារ្យណាស់ត្បូងឃ្មុំ ! លើកពានទាំងតូច ទាំងធំហ្មង
ភ្នំពេញ៖ម្ចាស់ជើងឯកនៃពានរង្វាន់ ជី ផាក យុវជនអាយុក្រោម១៥ឆ្នាំ សម្រាប់រដូវកាលឆ្នាំ២០១៩ នៅទីលានក្លិបបាល់ទាត់ វិសាខា កាលពីថ្ងៃទី១៣ ខែមិថុនា ម្សិលមិញនេះ បានទៅលើក្រុមបាល់ទាត់ខេត្តត្បូងឃ្មុំ ក្រោយយុវជនត្បូងឃ្មុំបានយកឈ្នះយុវជនខេត្តព្រះសីហនុ ក្នុងលទ្ធផល៣ទល់នឹង១។
ការគ្រងតំណែងជើងឯកនៃពានរង្វាន់ ជី ផាក យុវជនអាយុក្រោម១៥ឆ្នាំ របស់ក្រុមបាល់ទាត់ខេត្តត្បូងឃ្មុំនេះ ជាជ័យជំនះយ៉ាងធំធេងសម្រាប់មុខមាត់អ្នកខេត្តត្បូងឃ្មុំ ក្រោយក្រុមកីឡាបាល់ទាត់ខេត្តត្បូងឃ្មុំឈុតធំទើបក្លាយជាម្ចាស់ជើងឯក ពានសម្តេចតេជោ ហ៊ុន សែន ថ្នាក់ខេត្តសម្រាប់ឆ្នាំ២០១៩ ក្រោយយកឈ្នះក្រុមបាល់ទាត់ខេត្តសៀមរាប ក្នុងលទ្ធផល១ទល់នឹង០ កាលពីពេលថ្មីៗនេះ។
សូមជម្រាបថា នៅក្នុងថ្ងៃប្រកួតវគ្គផ្តាច់ព្រ័ត្រនៃពានរង្វាន់ ជី ផាក យុវជនអាយុក្រោម១៥ឆ្នាំ រដូវកាលឆ្នាំ២០១៩ មានការចូលរួមបិទការប្រកួតដោយលោកស្រី កែ សួនសុភី ប្រធានក្លិបបាល់ទាត់ វិសាខា លោក ម៉ៃ តុលា អគ្គលេខាធិការងសហព័ន្ធកីឡាបាល់ទាត់កម្ពជា និងលោកស្រី ថៃ ហួរ អគ្គនាយិកាក្រុមហ៊ុនភេសជ្ជៈ G-Park ផងដែរ៕
ដោយ៖ស្រ៊ីប ឡានី
![](https://i1.wp.com/www.cpc-news.com/wp-content/uploads/2019/06/photo_2019-06-14_09-59-09-2.jpg?fit=1000%2C666&ssl=1)
![](https://i2.wp.com/www.cpc-news.com/wp-content/uploads/2019/06/photo_2019-06-14_09-59-09-3.jpg?fit=1000%2C666&ssl=1)
![](https://i2.wp.com/www.cpc-news.com/wp-content/uploads/2019/06/photo_2019-06-14_09-59-09-4.jpg?fit=1000%2C666&ssl=1)
![](https://i1.wp.com/www.cpc-news.com/wp-content/uploads/2019/06/photo_2019-06-14_09-59-09.jpg?fit=1000%2C666&ssl=1)
![](https://i0.wp.com/www.cpc-news.com/wp-content/uploads/2019/06/photo_2019-06-14_09-59-10.jpg?fit=1000%2C666&ssl=1)
![](https://i0.wp.com/www.cpc-news.com/wp-content/uploads/2019/06/photo_2019-06-14_09-59-11.jpg?fit=1000%2C666&ssl=1)