ការបង្ហាញខ្លួនរបស់ Eden Hazard នៅ Bernabeu មានអ្នកគាំទ្រប្រមាណជា ៥ម៊ឺននាក់ ខណៈ Cristiano Ronaldo មានរហូតដល់៧ម៊ឺននាក់
អេស្ប៉ាញ៖ខ្សែប្រយុទ្ធជម្រើសជាតិប៊ែលហ្សិក កីឡាករ Eden Hazard បានចូលទ្រនំថ្មី ក្លិបអធិរាជស Real Madrid និងបានបង្ហាញខ្លួននៅកីឡដ្ឋាន Estadio Santiago Bernabeu ជាលើកដំបូងដែលមានអ្នកចូលរួមគាំទ្រប្រមាណជាង៥ម៊ឺននាក់ ខណៈដែលខ្សែប្រយុទ្ធ Cristiano Ronaldo មានចំនួនអ្នកគាំទ្រប្រមាណជា ៧ម៊ឺននាក់មកចូលរួមគាំទ្រ។
ចំនួននេះនៅមានកម្រិតតិចជាងកំពូលខ្សែប្រយុទ្ធសញ្ជាតិប៉ទុយហ្គាល់ និងជាខ្សែប្រយុទ្ធសេះបង្កង់ Juventus នៅឡើយ។ តែអ្វីដែលគួរឲ្យចាប់អារម្មណ៍ជាងនេះទៅទៀតនោះ គេសង្កេតឃើញថា ការបង្ហាញខ្លួនរបស់ខ្សែប្រយុទ្ធចំណូលថ្មីអធិរាជសរូបនេះ ពុំបានបង្ហាញលេខអាវនោះទេ ពោលគឺផ្ទុយពីកំពូលខ្សែប្រយុទ្ធកីឡាករ Ronaldo ក្នុងការបង្ហាញខ្លួនពាក់អាវលេខ៧ ជាស្រេច កាលពីឆ្នាំ២០០៩។
សូមជម្រាបថា ខ្សែប្រយុទ្ធអតីតតោខៀវ Chelsea កីឡាករ Eden Hazard ជាកំពូលកីឡាករទី១ ដែលក្លិបអធិរាជស Real Madrid បានទិញមក បន្ទាប់ពីមានការចាកចេញរបស់កំពូលកីឡាករបាល់ទាត់ Cristiano Ronaldo ហើយក្លិបមានការធ្លាក់ទម្រងលេងយ៉ាងគំហុក៕
ដោយ៖ស្រ៊ីប ឡានី
![](https://www.cpc-news.com/wp-content/uploads/2019/06/photo_2019-06-14_11-40-34-2.jpg)
![](https://i1.wp.com/www.cpc-news.com/wp-content/uploads/2019/06/photo_2019-06-14_11-40-34-3-1.jpg?fit=1000%2C750&ssl=1)
![](https://www.cpc-news.com/wp-content/uploads/2019/06/photo_2019-06-14_11-40-34.jpg)