ប្រភពពីសមត្ថកិច្ចជំនាញបានឱ្យដឹងថា ភ្លាមៗ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានបញ្ជារទៅកាន់ លោកវរសេនីយ៍ឯក ព្រហ្ម យ៉ន នាយការិយាល័យបង្ការ ពន្លត់អគ្គិភ័យ និងសង្គ្រោះនៃស្នងការដ្ឋាននគរបាលរាជធានីភ្នំពេញ បញ្ជាឱ្យរថយន្តពន្លត់អគ្គិភ័យគ្រប់គោលដៅទាំងអស់ប្រញាប់ចេញទៅអន្តរាគមន៍ ជាបន្ទាន់  ក្នុងនោះក៏មានទាំងរថយន្តជណ្ដើរយោងផងដែរ និងមានវត្តមានរបស់ លោក ហ៊ាង ថារ៉េត អធិការនគរបាលខណ្ឌឫស្សីកែវ ក៏ចុះមកដល់ផ្ទាល់ផងដែរ ។

សមត្ថកិច្ចបានឱ្យដឹងថា ម្ចាស់ទីតាំងដែលឆេះមាន ឈ្មោះ ទុយ ឆេងលីម ភេទប្រុស អាយុ៥៦ឆ្នាំ ជនជាតិខែ្មរ មុខរបរ: រត់ម៉ូតូ ចំណែកមូលហេតុបណ្ដាលមកពី បើកហ្គាសចម្អិនអាហារ បង្កជាអគិ្គភ័យ បណ្ដាលឱ្យឆេះផ្ទះឈើប្រក់សង្ក័សី ៥ទំហម៉ែត្រ x១៥ម៉ែត្រ បន្តរាលដាលឆេះផ្ទះអស់ចំនួន១០ខ្នង ខ្ទេចអស់ទាំងស្រុង និងឆេះរាលដាលដល់ផ្ទះចំនួន០៣ខ្នងទៀតខូចខាតអស់ចំនួន៦០%។

ភ្លាមៗ រថយន្តការិយាល័យអគ្គិភ័យ ចំនួន ២១គ្រឿង បានចុះទៅអន្តរាគមន៍ដល់ទីតាំងកើតហេតុ ដោយបានប្រើប្រាស់ទឹកអស់ចំនួន ២១ឡាន ស្មើនឹង ៨៤ម៉ែត្រគូប និងមាន រថយន្តជំនួយអន្តរាគមន៍រួមមាន ៖-រថយន្ត ក្រសួងមហាផៃ្ទ ចំនួន ០៣គ្រឿង ប្រើប្រាស់ទឹកអស់ចំនួន ០៣ឡាន សើ្មនឹង ១២ម៉ែត្រគូប -រថយន្តសាលាខណ្ឌឫស្សីកែវ ចំនួន ០១គ្រឿង ប្រើប្រាស់ទឹកអស់ចំនួន ០១ឡាន សើ្មនឹង ០៤ម៉ែត្រគូប រហូតរលត់ទៅវិញ នៅម៉ោង១៥៣រសៀល នាថ្ងៃខែ ឆ្នាំដដែល

សូមបញ្ជាក់ថា ក្នុងរង្វង់ប្រតិបត្តិការនេះ ក៏បានបណ្ដាលឱ្យលោក វរសេនីយ៍ឯក ព្រហ្ម យ៉ន នាយការិយាល័យបង្ការ ពន្លត់អគ្គិភ័យ និងសង្គ្រោះនៃស្នងការដ្ឋាននគរបាលរាជធានីភ្នំពេញ រងរបួសផងដែរ ពេលបញ្ជាកងកម្លាំង ជួយសង្គ្រោះករណីខាងលើ ៕