CPC-រូបភាពយ៉ាងអាណាធិបតេយ្យ បង្កឡើងក្រុមយុវជនដែលចូលផឹកស៊ីក្នុងហាង នឹក EX នៅតែកើតមានឡើងជាបន្តបន្ទាប់
ភ្នំពេញ៖រូបភាពជម្លោះ រហូតឈានដល់ការប្រើប្រាស់អំពើហឹង្សាយ៉ាងអាណាធិបតេយ្យនៅលើដងផ្លូវនៅដងផ្លូវនៅពេលរាត្រី បង្កឡើងដោយក្រុមយុវជន ដែលចូលផឹកស៊ីរាំលេងកម្សាន្តក្នុងហាង នឹក EX នៅតែកើតមានឡើងជាបន្តបន្ទាប់ បើទោះជាមានការណែនាំពីសំណាក់អាជ្ញាធរជាច្រើនលើកយ៉ាងក៏ដោយ ។
ជាក់ស្ដែងកាលពីវេលាម៉ោង៤និង៣០នាទីទៀបភ្លឺ ថ្ងៃទី១៥ ខែធ្នូ ឆ្នាំ ២០២៣ មានករណីហឹង្សាបង្កឡើងមនុស្សប្រុសស្រី២ក្រុម មានគ្នាប្រមាណ២០នាក់បានឈ្លោះប្រកែកគ្នា រហូតឈានដល់ការបើកឆាក់ប្រយុទ្ធគ្នាយ៉ាងអាណាធិបតេយ្យលើដងផ្លូវ ចំណុចមុខហាង នឹក EX ស្ថិតតាមបណ្ដោយផ្លូវ៥១ កែងផ្លូវ២៤២ សង្កាត់ចតុមុខ ខណ្ឌដូនពេញ រាជធានីភ្នំពេញ ។
ទោះបីជាយ៉ាងណា ជុំវិញបញ្ហានេះត្រូវបានមហាជនលើកឡើងថា មិនមែនជាលើកទី១ឡើយដែល ភ្ញៀវរបស់ហាងខាងលើតែងតែបង្កបញ្ហា ខណៈអាជ្ញាធរខណ្ឌដូនពេញបានធ្វើការណែនាំជាច្រើនលើកដែរ ប៉ុន្តែសង្កេតឃើញម្ចាស់ទីតាំងហាក់មិនញញឹត និងចំណាត់ការរបស់អាជ្ញាធរបន្តិចសោះ ឡើយ ៕