CPC-សត្វផ្សោត១ក្បាលត្រូវបានសង្គ្រោះ និងលែងចូលក្នុងសមុទ្រវិញដោយប្រជានេសាទស្រុកស្រែអំបិល
![](https://www.cpc-news.com/wp-content/uploads/2024/01/photo_2024-01-16_08-48-45-991x564.jpg)
កោះកុង៖រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ សូមកោតសរសើរ ចំពោះលោក ឈុន ប៊ុនឆួយ នៅភូមិនេសាទ ឃុំជ្រោយស្វាយ ស្រុកស្រែអំបិល ខេត្តកោះកុង ដែលបានសង្គ្រោះនិងលែងសត្វផ្សោតក្បាលត្រឡោក១ក្បាល អាយុប្រមាណ៣ឆ្នាំ ទម្ងន់ជាង៤០គីឡូក្រាម ប្រវែងជាង១ម៉ែត្រ ចូលក្នុងសមុទ្រវិញ បន្ទាប់ពីសត្វផ្សោតនេះបានរុំជាប់នឹងខ្សែរនងនៃឧបករណ៍នេសាទអ្នាក់មឹកសំបកខ្យង នាថ្ងៃទី១២ ខែមករា ឆ្នាំ២០២៤ ខណៈសកម្មភាពនេះ គឺជាគំរូដ៏ល្អនិងមានតម្លៃមិនអាចកាត់ថ្លៃបាន ក្នុងការរួមចំណែកថែរក្សា ការពារ និងអភិរក្សប្រភេទវារីសត្វដែលជិតផុតពូជ។
ទន្ទឹមនិងនេះ រដ្ឋបាលជលផលសូមកោតសរសើរ និងសូមអំពាវនាវដល់បងប្អូនអ្នកនេសាទយើង មេត្តាចូលរួមថែរក្សានិងការពារប្រភេទវារីសត្វដែលជិតផុតពូជ ដោយលែងចូលក្នុងដែនទឹកធម្មជាតិវិញ ដើម្បីថែរក្សាវត្តមានរបស់ប្រភេទវារីសត្វទាំងនេះឱ្យសំបូរ សម្រាប់កូនចៅជំនាន់ក្រោយ។
![](https://www.cpc-news.com/wp-content/uploads/2024/01/419474089_682720087385115_166947138607409824_n-636x900.jpg)
![](https://www.cpc-news.com/wp-content/uploads/2024/01/419501105_682720114051779_164032962685566309_n-900x675.jpg)
![](https://www.cpc-news.com/wp-content/uploads/2024/01/419525959_682720160718441_4013144685477666922_n-900x675.jpg)
![](https://www.cpc-news.com/wp-content/uploads/2024/01/419913073_682720054051785_5824264468348379373_n-405x900.jpg)
![](https://www.cpc-news.com/wp-content/uploads/2024/01/Capture-2-536x900.jpg)
![](https://www.cpc-news.com/wp-content/uploads/2024/01/ល្បវលើ្ាដថ-533x900.jpg)