CPC-រដ្ឋមន្ត្រីការងារ បានវាយតម្លៃខ្ពស់ចំពោះមជ្ឈមណ្ឌលបណ្ដុះបណ្តាលវិជ្ជាជីវៈ Prince Horology ដែលបានបណ្តុះបណ្តាលជំនាញផលិតនាឡិកាដៃដល់ពលរដ្ឋខ្មែរ
![](https://www.cpc-news.com/wp-content/uploads/2024/01/photo_2024-01-16_09-21-20-991x564.jpg)
ភ្នំពេញ៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅរសៀលថ្ងៃទី១៥ ខែមករា ឆ្នាំ២០២៤នេះ បានអញ្ជើញទស្សនា និងស្វែងយល់ការបណ្តុះបណ្តាលជំនាញផលិតនាឡិកាដៃរបស់មជ្ឈមណ្ឌលបណ្តុះបណ្តាលវិជ្ជាជីវៈ Prince Horologyដែលមានទីតាំងក្នុងរាជធានីភ្នំពេញ។
ក្នុងឱកាសនោះ អ្នកជំនាញរបស់មជ្ឈមណ្ឌល បានពន្យល់ឯកឧត្តមរដ្ឋមន្ត្រីពីដំណាក់កាលនីមួយៗនៃការបណ្តុះបណ្តាល និងហ្វឹកហ្វឺនសិក្ខាកាម និងបុគ្គលិកខ្មែរដែលកំពុងហាត់ការ និងបម្រើការងារក្នុងមជ្ឈមណ្ឌលផ្ទាល់។
តាមគោលការណ៍ មជ្ឈមណ្ឌលបានផ្តល់ការហ្វឹកហ្វឺនជូនសិក្ខាកាមរយៈពេល២ឆ្នាំដោយភ្ជាប់នឹងប្រាក់ឧបត្ថម្ភផងដែរ ដើម្បីឱ្យសិក្ខាកាមអាចក្រេបជញ្ជក់ដើម្បីទទួលបានអាជីពដ៏កម្រនេះ ព្រោះថាថ្វីត្បិតតែមជ្ឈមណ្ឌលមិនស្វែងរកប្រាក់ចំណេញចេញពីការផលិតក៏ពិតមែន ប៉ុន្តែមជ្ឈមណ្ឌលបាននាំចូលបច្ចេកវិទ្យាស្តង់ដានៃប្រទេសស្វីសតាមរយៈអ្នកជំនាញរបស់ស្វីសមកបណ្តុះបណ្តាលផ្ទាល់។
ជាមួយគ្នានោះ ឯកឧត្តមរដ្ឋមន្ត្រី បានវាយតម្លៃខ្ពស់ចំពោះមជ្ឈមណ្ឌលបណ្ដុះបណ្តាលវិជ្ជាជីវៈ Prince Horology ដែលបានបណ្តុះបណ្តាលជំនាញពិសេសនេះដល់ពលរដ្ឋខ្មែរ។
សូមរំលឹកថា មជ្ឈមណ្ឌលបណ្តុះបណ្តាលវិជ្ជាជីវៈ Prince Horology នេះហើយដែលបានផលិតនាឡិកាជូនប្រមុខរដ្ឋ និងប្រមុខរដ្ឋាភិបាលអាស៊ាន និងពិភពលោកក្នុងកិច្ចប្រជុំកំពូលអាស៊ានលើកទី៤១ កាលពីឆ្នាំ២០២២ដែលកម្ពុជាធ្វើជាម្ចាស់ផ្ទះ៕
![](https://www.cpc-news.com/wp-content/uploads/2024/01/419494291_814399927156923_6905564962533945583_n-900x600.jpg)
![](https://www.cpc-news.com/wp-content/uploads/2024/01/419535648_814399913823591_7504620369932047697_n-900x600.jpg)
![](https://www.cpc-news.com/wp-content/uploads/2024/01/419558003_814399980490251_7759611993249554629_n-900x600.jpg)
![](https://www.cpc-news.com/wp-content/uploads/2024/01/419652870_814399917156924_7068055774005310157_n-900x600.jpg)
![](https://www.cpc-news.com/wp-content/uploads/2024/01/419879984_814399997156916_8493698547366416172_n-900x600.jpg)
![](https://www.cpc-news.com/wp-content/uploads/2024/01/419882104_814399937156922_6047320879473676999_n-900x600.jpg)
![](https://www.cpc-news.com/wp-content/uploads/2024/01/419897100_814399850490264_3833379680509981000_n-900x761.jpg)
![](https://www.cpc-news.com/wp-content/uploads/2024/01/419899171_814399877156928_402562499222440205_n-900x600.jpg)
![](https://www.cpc-news.com/wp-content/uploads/2024/01/419903867_814399893823593_2962644984825972617_n-900x600.jpg)