CPC-បឹងស្នេហ៍ ជាតំបន់ដែលមានជម្រកពងកូនសត្វស្លាបទឹកធំជាងគេទី២ នៅប្រទេសកម្ពុជាបន្ទាប់ពីតំបន់រ៉ាមសារព្រែកទាល់
![](https://www.cpc-news.com/wp-content/uploads/2024/03/photo_2024-03-16_09-41-40-991x564.jpg)
ព្រៃវែង៖ទួលព័ន្ធតាឡី បឹងស្នេហ៍មានសត្វព្រៃប្រមាណ ៥០ប្រភេទ និងសត្វបក្សីកម្រៗប្រមាណ ២ម៉ឺនក្បាលកំពុងទាក់ទាញទេសចរណ៍ជិតឆ្ងាយចូលទស្សនា តំបន់ប្រើប្រាស់ច្រើនយ៉ាងទួលព័ន្ធតាឡី បឹងស្នេហ៍ គឺជាទីកន្លែងរកចំណីការរស់នៅ និងបន្តពូជរបស់សត្វស្លាបទឹក ដែលក្នុងនោះបក្សីមួយចំនួនជាប្រភេទជិតផុតពូជ និងកំពុងរងការគំរាមកំហែងលើពិភពលោក ដូចជាប្រភេទ ស្មោញ ទុងប្រផេះ រនាលពណ៌ ត្រយងខ្លួនស ត្រយងខ្លួនរលោង ត្រដក់តូច និងជាពិសេសប្រភេទសត្វចង្កៀលខ្យង ដែលកំពុងបន្តពូជពងកូនរាប់ពាន់ក្បាល។
ក្រៅពីជាទីជម្រកដ៏សុខសាន្តរបស់ហ្វូងបក្សាបក្សីទាំងនោះ តំបន់មួយនេះ ក៏ជាទិសដៅទេសចរណ៍ សម្រាប់ការទស្សនាសត្វស្លាបដ៏សំខាន់មួយក្នុងទឹកដីខេត្តព្រៃវែង ពិសេសជាងនេះក៏ជាទីកន្លែងសំចតរបស់ប្រភេទសត្វស្លាបទេសសន្តរប្រវេសន៍មកស្នាក់នៅនិងរកចំណីបណ្តោះអាសន្ន ជាតំបន់ដែលមានជម្រកពងកូនសត្វស្លាបទឹកធំជាងគេទី២ នៅប្រទេសកម្ពុជាបន្ទាប់ពីតំបន់រ៉ាមសារព្រែកទាល់៕
![](https://www.cpc-news.com/wp-content/uploads/2024/03/431866878_722662263388595_1525454888715895756_n.jpg)
![](https://www.cpc-news.com/wp-content/uploads/2024/03/431879544_722662390055249_937414541902577831_n-900x599.jpg)
![](https://www.cpc-news.com/wp-content/uploads/2024/03/432005253_722662353388586_4034088204676847755_n-1-900x599.jpg)