បរទេស ៖ យោងតាមសារព័ត៌មាន Arab News ផ្សាយនៅថ្ងៃទី១៩ ខែកក្កដានេះ ថា តុលាការទួរគីបានសម្រេចកាលពីថ្ងៃពុធ នៅតែរក្សាការចោទប្រកាន់គ្រូគង្វាលអាមេរិកម្នាក់បន្តក្នុងពន្ធនាគារដោយសង្ឃឹមថា គាត់អាចត្រូវបានដោះលែងក្នុងអំឡុងពេលសវនាការរបស់គាត់លើការចោទប្រកាន់ពីបទអំពើភេរវកម្ម ។

លោក Andrew Brunson ដែលជាគ្រូគង្វាលគ្រិស្តសាសនានៅរដ្ឋ North Carolina ដែលបានរស់នៅក្នុងប្រទេសទួរគីអស់រយៈពេលជាងពីរទសវត្សរ៍មក ត្រូវបានគេចោទប្រកាន់ពីបទជួយឧបត្ថម្ភក្រុមប្រឆាំងរដ្ឋបាលទីក្រុងអង់ការ៉ាចំពោះការបះបោរឆ្នាំ 2016 ប្រឆាំងនឹងប្រធានាធិបតីលោក Tayyip Erdogan ក៏ដូចជាការគាំទ្រដល់សកម្មប្រយុទ្ធ Kurdish PKK ខុសច្បាប់។

លោក Brunson ដែលបដិសេធការចោទប្រកាន់នេះប្រឈមនឹងការជាប់គុករហូតដល់ 35 ឆ្នាំប្រសិនបើរកឃើញថាមានកំហុស។

លោក Brunson បាននិយាយប្រាប់តុលាការនៅក្នុងប្រទេសទួរគីថា ” មិនមានភស្តុតាងជាក់ស្តែងប្រឆាំងនឹងខ្ញុំទេ។ ក្រុមសិស្សរបស់ព្រះយេស៊ូ បានរងទុក្ខនៅក្នុងព្រះនាមទ្រង់ឥឡូវនេះជាឥរិយាបទរបស់ខ្ញុំ។ ខ្ញុំជាមនុស្សគ្មានកំហុសលើការចោទប្រកាន់ទាំងអស់នេះ។ ខ្ញុំបដិសេធពួកគេ ខ្ញុំដឹងថាហេតុអ្វីខ្ញុំនៅទីនេះ។ ខ្ញុំនៅទីនេះដើម្បីរងទុក្ខនៅក្នុងព្រះនាមព្រះយេស៊ូ”។

ករណីនេះ ប្រធានាធិបតីអាមេរិកលោក Donald Trump បាននិយាយកាលពីថ្ងៃពុធថាលោក Erdogan «គួរតែធ្វើអ្វីមួយដើម្បីដោះលែងប្តីនិងបិតាគ្រីស្ទាននេះដោយនិយាយថា លោក Brunson ត្រូវបានចាប់ជាចំណាប់ខ្មាំងតាំងពីយូរមកហើយ»។

គួរជំរាបថា ព្រឹទ្ធសភាអាមេរិកបានអនុម័តនិក័យប័ត្រកាលពីខែមុន រួមទាំងវិធានការដែលហាមឃាត់ទួកគីមិនឱ្យទិញយន្តហោះចម្បាំង F-35 Joint Strike Fighter និងការទិញប្រព័ន្ធការពារអាកាស S-400 របស់ប្រទេសទួរគី ដោយសារតែការជាប់ពន្ធនាគាររបស់លោក Brunson ៕