ការប្រកួតបាល់ទាត់មិត្តភាពសប្បុរសធម៌ ដើម្បីជួយដល់មន្ទីរពេទ្យគន្ធបុប្ផា នឹងធ្វើឡើងនៅចុងខែសីហានេះ
ភ្នំពេញ៖នៅថ្ងៃទី២៩ ខែសីហា ខាងមុខនេះ ផលិតកម្មមហាហង្ស នឹងរៀបចំកម្មវិធីប្រកួតបាល់ទាត់មិត្តភាពសប្បុរសធម៌ ដើម្បីស្វែងរកថវិកាជូនមូលនិធិគន្ធបុប្ផាកម្ពុជា និងចូលរួមចំណែកណាមួយជួយដល់មន្ទីរពេទ្យគន្ធបុប្ផា ដែលកំពុងមានការខ្វះខាត។
បើតាមការបង្ហោះនៅលើផេកហ្វេស Mohahang Production បញ្ជាក់ថា ការប្រកួតបាល់ទាត់ មានចំនួន ២ប្រកួតរវាង ក្លិបបាល់ទាត់បឹងកេត ប្រកួតជាមួយ ក្រុមបាល់ទាត់ តារាមហាហង្ស និងក្រុមបាលទាត់តារាកម្ពុជា ប្រកួតជាមួយ ក្រុមបាល់ទាត់តារាថៃ និងមានការប្រគុំតន្ត្រីពីតារាចម្រៀងល្បីៗប្រចាំកម្ពុជា និងថៃផងដែរ។
សូមជម្រាបថា ការប្រកួតបាល់ទាត់មិត្តភាពសប្បុរសធម៌នេះ ធ្វើនៅពហុកីឡដ្ឋានជាតិអូឡាំពិក វេលាម៉ោង ២៖៣០នាទី ដល់ម៉ោង ៩៖០០នាទីយប់ ហើយសំបុត្រនឹងចាប់ផ្តើមដាក់លក់នាថ្ងៃទី១៩ ខែសីហា នេះហើយ៕
![](https://www.cpc-news.com/wp-content/uploads/2019/08/photo_2019-08-20_09-47-07-1024x341.jpg)
![](https://www.cpc-news.com/wp-content/uploads/2019/08/photo_2019-08-20_09-47-08-2-1-1024x640.jpg)
![](https://www.cpc-news.com/wp-content/uploads/2019/08/photo_2019-08-20_09-47-08-1024x768.jpg)
![](https://www.cpc-news.com/wp-content/uploads/2019/08/photo_2019-08-20_09-47-09-2-1024x341.jpg)
![](https://www.cpc-news.com/wp-content/uploads/2019/08/photo_2019-08-20_09-47-09-1024x498.jpg)