CPC-ទីតាំងល្បែងស៊ីសងខុសច្បាប់ជ្រកក្រោមស្លាក ពេទ្យធ្មេញ កំពុងបើកទ្វាទទួលស្វាគមន៍ក្រុមអ្នកញៀនល្បែង ក្នុងខណ្ឌដូនពេញ
![](https://www.cpc-news.com/wp-content/uploads/2024/03/photo_2024-03-21_14-16-20-991x564.jpg)
ភ្នំពេញ៖ទីតាំងល្បែងស៊ីសងតាមប្រព័ន្ធ អនឡាញខុសច្បាប់ជ្រក់ស្លាក់ ពេទ្យធ្មេញ កំពុងបើកទ្វាទទួលស្វាគមន៍ក្រុមអ្នកញៀនល្បែង យ៉ាងកក្រើកក្រេង ទីតាំងនេះស្ថិត នៅលើផ្លូវ ១៣ ភូមិ១៤ សង្កាត់ផ្សារកណ្ដាលទី១ ខណ្ឌដូនពេញ រាជធានីភ្នំពេញ ។
តាមរយៈរូបភាព និងប្រភពព័ត៌មានពីពលរដ្ឋបានផ្ដល់មកកាន់CPC NEWS នៅរសៀលថ្ងៃទី២១ ខែមីនា ឆ្នាំ២០២៤នេះ គេមើលឃើញមានអ្នកញៀនល្បែងចូលលេងទាំងយប់ ទាំងថ្ងៃមិនដាច់ ហាក់មិនរំខានដល់អាជ្ញាធរ និងសមត្ថកិច្ចឡើយ ដែលជាហេតុធ្វើអោយពួកគាត់ សម្ដែងការព្រួយបារម្ភចំបពោះបញ្ហាអសន្តិសុខនៅក្នុងមូលដ្ឋានដែលពួកគាត់កំពុងរស់នៅ និងសំណូមពរដល់អាជ្ញាធរ និងសមត្ថកិច្ចមូលដ្ឋាន មានចំណាត់ការទៅលើបញ្ហានេះផង ដើម្បីអោយស្របតាមការអនុវត្តគោលនយោបាយ «ភូមិ ឃុំ សង្កាត់ មានសុវត្ថិភាព» ក្នុងន័យការពារ និងរក្សាសន្តិសុខ សណ្ដាប់ធ្នាប់នៅតាមមូលដ្ឋាន ក៏ដូចជាការបង្ការ ទប់ស្កាត់ និងបង្ក្រាបបទល្មើសគ្រប់ប្រភេទ ។
ទោះបីជាយ៉ាងណា ជុំវិញករណីខាងលើនេះ CPC NEWS បានសុំការបំភ្លឺពី លោក ជា ខេមា អភិបាលខណ្ឌដូនពេញ នៅរសៀលថ្ងៃទី២១ ខែមីនា ឆ្នាំ២០២៤នេះ តាមរយៈប្រព័ន្ធTelegram ប៉ុន្តែគ្មានការឆ្លើយតប់គិតមកត្រឹមម៉ោងផ្សាយនះ ៕