លី ម៉ាឯល វិវត្តន៍ខ្លួនពីយុវជនថ្នាល់របស់ក្លិបបឹងកេត បានជាប់ជម្រើសជាតិកម្ពុជា U19
ភ្នំពេញ៖នៅព្រឹកថ្ងៃទី២២ ខែតុលា នេះ សហព័ន្ធកីឡាបាល់ទាត់កម្ពុជា បានបញ្ចេញបញ្ជីឈ្មោះកីឡាករបឋមប្រមូលផ្តុំហ្វឹកហាត់ត្រៀមប្រកួត AFC U19 Championship 2020 Qualifiers ក្នុងពូល G ដែលកម្ពុជាធ្វើជាម្ចាស់ផ្ទះចាប់ពីថ្ងៃទី២ ដល់ថ្ងៃទី១០ ខែវិច្ឆិកា ឆ្នាំ២០១៩ នៅពហុកីឡដ្ឋានជាតិអូឡាំពិក។
ក្នុងបញ្ជីឈ្មោះកីឡាករបឋមរបស់ជម្រើសជាតិកម្ពុជាទាំង ២៤នាក់នោះ គេឃើញមានខ្សែប្រយុទ្ធវ័យក្មេងរបស់ក្លិបបឹងកេត កីឡាករ លី ម៉ាឯល ដែលមានដើមកំណើតមកពីខេត្តកំពង់ឆ្នាំងផងដែរ។
យុវជនអាយុក្រោម ១៨ឆ្នាំរបស់ក្លិបបឹងកេតរូបនេះមានការអភិវឌ្ឍយ៉ាងខ្លាំងពីយុវជនថ្នាល់ រហូតជាប់ឈ្មោះលេងឲ្យក្រុមបឹងកេតឈុតធំ និងមានឈ្មោះនៅក្នុងបញ្ជីឈ្មោះកីឡាករបឋមនៅក្នុងជម្រើសជាតិកម្ពុជា U19 ផងដែរ។
គួររំលឹកថា ក្នុងការបង្ហាញខ្លួនជាលើកដំបូងឲ្យយុវជនបឹងកេត ក្នុងពានរង្វាន់ KMH Cup២០១៩ កន្លងទៅ ខ្សែប្រយុទ្ធ លី ម៉ាឯល បានរកគ្រាប់ជ័យជម្នះលើក្រុមយុវជនព្រះខ័នរាជស្វាយរៀង ក្នុងលទ្ធផល ២៖១ ដែលជាគ្រាប់ជ័យជម្នះដ៏មានសារៈសំខាន់បំផុត៕
![](https://www.cpc-news.com/wp-content/uploads/2019/10/72819667_2500643453506481_1368534875820261376_o-1024x713.png)
![](https://www.cpc-news.com/wp-content/uploads/2019/10/0d1f288a-c38c-46dd-8159-e35b93d0fb07-1024x682.jpg)
![](https://www.cpc-news.com/wp-content/uploads/2019/10/a769755e-2417-4d2c-a3d2-95e4579b6794-1024x682.jpg)
![](https://www.cpc-news.com/wp-content/uploads/2019/10/c0d49c1a-2a7b-43c8-93d7-f545bf4706e8-1024x682.jpg)