បាល់ទាត់៖នៅថ្ងៃអាទិត្យនេះ អតីតប្រធានក្លិប Real Madrid និងកីឡាករឆ្នើម២រូបទៀតឆ្លងវីរុសកូវីដ១៩។ នេះបើតាមការចុះផ្សាយដោយសារព័ត៌មានកីឡាដ៏ល្បីល្បាញ The Sun។

អតីតប្រធានក្លិប Real Madrid លោក Lorenzo Sanz បានទទួលមរណភាពក្នុងវ័យ៧៦ឆ្នាំ។

ដោយឡែក ខ្សែប្រយុទ្ធឆ្នើម២រូបទៀតគឺកីឡាករជម្រើសជាតិចិន Wu Lei ដែលលេងឱ្យក្លិប Espanyol ក្នុងក្របខ័ណ្ឌ La Liga ត្រូវបានធ្វើតេស្តកូវីដ១៩ចេញលទ្ធផលវិជ្ជមាននៅក្នុងប្រទេសអេស្ប៉ាញ និងកីឡាករ Paulo Dybala ខ្សែប្រយុទ្ធរបស់ក្រុមសេះបង្កង់ Juventus ត្រូវបានគេធ្វើតេស្តរកឃើញថាមានភាព វិជ្ជមាននៃវីរុសរលាកសួតថ្មីនេះផងដែរ។

គួរជម្រាបថា មកទល់ពេលនេះ វីរុសរលាកសួតថ្មី កូវីដ១៩ បានឆ្លងរីករាលដាលទៅកាន់ ១៨៨ប្រទេសនៅលើពិភពលោក នៅក្នុងនោះមានកម្ពុជាផងដែរ៕