មិនធម្មតា ! កីឡាករដែលជួយខេត្តព្រៃវែងឡើងវគ្គផ្តាច់ព្រ័ត្រពានថ្នាក់ខេត្ត ភាគច្រើនជាយុវជនក្លិប និងជម្រើសជាតិ
ព្រៃវែង ៖ ក្រុមបាល់ទាត់ជម្រើសខេត្តព្រៃវែង និងត្បូងឃ្មុំ ត្រូវជួបគ្នាសាជាថ្មី ក្នុងការប្រកួតពានរង្វាន់សម្ដេចអគ្គមហាសេនាបតីតេជោ ហ៊ុន សែន ថ្នាក់ខេត្ត ២០២០ តែលើកនេះគឺក្នុងវគ្គផ្ដាច់ព្រ័ត្រដណ្ដើមជើងឯក ក្រោយក្រុមទាំងពីរឈ្នះនៅវគ្គពាក់កណ្ដាលផ្ដាច់ព្រ័ត្ររៀងៗខ្លួន។
ព្រៃវែងបានទម្លាក់សៀមរាប ជាជើងឯករងថ្នាក់ខេត្ត កាលឆ្នាំ២០១៩។ ជើងទីមួយ ព្រៃវែងឈ្នះ០ ទល់នឹង ២ នៅសៀមរាប ថ្ងៃពុធ ទី១៥ ខែកក្កដា មុនបន្តឈ្នះ ៧ទល់នឹង០ ថែមទៀតលើដីខ្លួនឯង នៅថ្ងៃពុធ ទី២២ ខែកក្កដា (សរុបពីរជើង៩ទល់នឹង០)។
ចំណែកត្បូងឃ្មុំដែលឈ្នះកែប ២ទល់នឹង១ លើដីខ្លួនឯងនៅជើងទីមួយ បានបន្តឈ្នះ១ទល់នឹង៣ ថែមទៀតជើងទីពីរនៅខេត្តកែប ហើយសរុបទាំងពីរជើង គឺ ៥ទល់នឹង២ ។ព្រៃវែង និងត្បូងឃ្មុំ ធ្លាប់ប៉ះគ្នាពីរដងនៅវគ្គចែកពូល ដោយស្មើទាំងពីរលើកតែម្ដង។
ដូច្នេះយើងមកចាប់អារម្មណ៍សមាសភាពកីឡាករវ័យក្មេង ដែលជួយឱ្យខេត្តព្រៃវែងឡើងវគ្គផ្តាច់ព្រ័ត្រពានថ្នាក់ខេត្តជាលើកដំបូង។
១. វីរៈ ដារ៉ា យុវជនក្លិបបាល់ទាត់វិសាខា
២. ស រតនា យុវជនក្លិបបាល់ទាត់វិសាខា &ជម្រើសជាតិអាយុក្រោម១៩ឆ្នាំ
៣. វុធ តុលា យុវជនក្លិបបាល់ទាត់វិសាខា &ជម្រើសជាតិអាយុក្រោម១៩ឆ្នាំ
៤. អាត អូនតូច យុវជនក្លិបបាល់ទាត់វិសាខា &ជម្រើសជាតិអាយុក្រោម១៩ឆ្នាំ
៥. ពៅ ចាន់ថេត យុវជនក្លិបបាល់ទាត់វិសាខា
៦. ញឹម លីហួរ យុវជនក្លិបបាល់ទាត់វិសាខា &ជម្រើសជាតិអាយុក្រោម១៩ឆ្នាំ
៧. អ៊ិន ឃិនដារ៉ូ យុវជនក្លិបបាល់ទាត់វិសាខា
៨. សន សុវត្ថិ យុវជនក្លិបបាល់ទាត់វិសាខា
៩. សរ សាមុត យុវជនក្លិបបាល់ទាត់វិសាខា
១០. ចាន់ សារ៉ាពេជ្រ យុវជនបាល់ទាត់វិសាខា &ជម្រើសជាតិអាយុក្រោម១៩ឆ្នាំ
១១. ភួង ឌីណា យុវជនក្លិបបាល់ទាត់វិសាខា
១២. សួង សុខឡេង យុវជនក្លិបបាល់ទាត់វិសាខា
១៣. លីន តារាដេវីទ្យ យុវជនក្លិបបាល់ទាត់វិសាខា
១៤. គី រីណា យុវជនក្លិបបាល់ទាត់វិសាខា
១៥. គង់ លីហ៊ួរ យុវជនបាល់ទាត់វិសាខា
១៦. វឿន វ៉ា យុវជនបាល់ទាត់វិសាខា &ជម្រើសជាតិអាយុក្រោម១៩ឆ្នាំ
១៧. ម៉ែន សុភ័ក្រវណ្ណៈនិស្ស័យ យុវជនបាល់ទាត់វិសាខា
១៨. ឌី ផារ៉ាន យុវជនបាល់ទាត់វិសាខា
គួរបញ្ជាក់ថា ការប្រកួតបាល់ទាត់ពានរង្វាន់សម្ដេចអគ្គមហាសេនាបតីតេជោ ហ៊ុន សែន ថ្នាក់ខេត្ត វគ្គផ្ដាច់ព្រ័ត្រ រដូវកាល២០២០ នឹងប្រព្រឹត្តទៅនៅថ្ងៃពុធ ទី២៩ ខែកក្កដា នាពហុកីឡដ្ឋានជាតិ៕