CPC-មន្រ្តីជំនាញ កំពុងជួសជុលខឿនជាន់ទីមួយ នៅប្រាសាទបាយ័ននៃជ្រុងខាងកើតឆៀងខាងត្បូង ប្រវែងជាង១០ម៉ែត្រឱ្យប្រសើរឡើងវិញ
![](https://www.cpc-news.com/wp-content/uploads/2024/01/photo_2024-01-23_15-06-48-991x564.jpg)
សៀមរាប៖ក្រុមការងារនាយកដ្ឋានអភិរក្សប្រាសាទ និងបុរាណវិទ្យារបស់អាជ្ញាធរជាតិអប្សរា កំពុងរៀបចំជួសជុលពង្រឹងខឿនរួតទី១របស់ប្រាសាទបាយ័ន នាជ្រុងខាងកើតឆៀងខាងត្បូង ដោយសារតែខឿននោះ បានរំកិលស្រុត ថ្មកម្រាលហែកក្រៀកមិនមានលំនឹងជាដើម។
បុគ្គលិកបច្ចេកទេស នៃនាយកដ្ឋានអភិរក្សប្រាសាទ និងបុរាណវិទ្យារបស់អាជ្ញាធរជាតិអប្សរា លោក លឹម ហាក់ ឱ្យដឹងថា ការជួសជុលពង្រឹងខឿនប្រវែងជាង១០ម៉ែត្រ ចាប់ផ្តើមតាំងពីចុងខែវិច្ឆិកា ឆ្នាំ២០២៣។ ផ្នែកខ្លះរបស់ខឿនបានរំកិល និងស្រុត កម្រាលថ្មភក់មានសភាពរំកិលខុសពីទីតាំងដើមហើបខ្ពស់ទាបមិនស្មើគ្នា បាត់បង់សោភ័ណភាព។
ក្រុមការងារនឹងត្រូវចំណាយពេលជាច្រើនខែ ដើម្បីជួសជុលខឿនរបស់ប្រាសាទបាយ័ននៅចំណុចជ្រុងខាងត្បូងឈៀងខាងកើតនេះ ឱ្យមានភាពរឹងមាំ និងសោភ័ណភាពឡើងវិញ ព្រមទាំងអាចជួយសម្រួលដល់ដំណើរភ្ញៀវទេសចរជាតិ និងអន្តរជាតិឱ្យងាយស្រួលដើរឆ្លងកាត់ និងមានសុវត្ថិភាពផង៕
![](https://www.cpc-news.com/wp-content/uploads/2024/01/421450190_780841000533254_7320136513570767780_n-900x636.jpg)
![](https://www.cpc-news.com/wp-content/uploads/2024/01/421501573_780840980533256_8950416751774697468_n-900x526.jpg)
![](https://www.cpc-news.com/wp-content/uploads/2024/01/421501641_780841107199910_2631032092637131019_n-900x788.jpg)
![](https://www.cpc-news.com/wp-content/uploads/2024/01/421508967_780840947199926_3225042090935698319_n-900x675.jpg)
![](https://www.cpc-news.com/wp-content/uploads/2024/01/421569043_780841257199895_4538007746012126672_n-900x600.jpg)
![](https://www.cpc-news.com/wp-content/uploads/2024/01/421575968_780841130533241_7692695082891026116_n-900x600.jpg)
![](https://www.cpc-news.com/wp-content/uploads/2024/01/421712338_780841120533242_1680560895343738277_n-900x600.jpg)