CPC-ស្វាគមន៍ការត្រលប់មកវិញរបស់ Dugong ( ជ្រូកទឹក ) ក្នុងភូមិសាស្រ្តខេត្តកែបនៃព្រះរាជាណាចក្រកម្ពុជា
![](https://www.cpc-news.com/wp-content/uploads/2024/03/photo_2024-03-23_09-11-21-991x564.jpg)
កែប៖ជ្រូកទឹកបានវិលត្រឡប់មកសមុទ្រនៅប្រជុំកោះកែបវិញហើយ ខណៈមូលហេតុនៃការវិលត្រឡប់គឺដោយសារតែមានការរីករាលដាលឡើងវិញនៃវាលស្មៅសមុទ្រខ្លុយកាក់ដែលជាប្រភេទស្មៅចំណងចំណូលចិត្តរបស់ជ្រូកទឹក នេះបើតាមការឪ្យដឹងពី CMMCP គម្រោងអភិរក្សថនិកសត្វសមុទ្រកម្ពុជា នៅថ្ងៃ២២ ខែមីនា ឆ្នាំ២០២៤នេះ ។
សូមជម្រាបផងដែរថា ជ្រូកវាមានទំហំធំប្រហាក់ប្រហែលនឹងផ្សោតដែរ ប៉ុន្តែវាធាត់ជាងហើយមានភ្លុក២ដូចដំរី ដែលដុះចេញពីអញ្ចាញធ្មេញ និងមានព្រុយចំហៀងធំរាងដូចច្រវាទូក។ វាមានស្បែករលោងពណ៌ត្នោត ឬប្រផេះក្រម៉ៅ និងដុះរោមមួយ។ រន្ធច្រមុះស្ថិតនៅទីតាំងចុងច្រមុះ ហើយមានសន្ទះគ្របសម្រាប់បិទនៅពេលវាមុជទៅក្នុងទឹក។ ប្រវែងទើបកើត ១-១,៥ម ពេញវ័យ ៣,៣-៤,១ម និងទម្ងន់ ទើបកើត ២៥-៣៥គ.ក ពេញវ័យ ១០០០ គ.ក ៕