Juventus លួចទាក់ទងជាមួយ Paris Saint Germain នាំយក Neymar មក!
អ៊ីតាលី៖ក្លិបសេះបង្កង់ Juventus គ្រោងនឹងនាំយកខ្សែប្រយុទ្ធ Neymar ពីក្លិប Paris Saint Germain មកលេងចាប់ដៃគូរគ្នា ជាមួយ Cristiano Ronaldo នារដូវកាលនេះ ក្រោយសេះបង្កង់លួចទាក់ទងសួរនាំតម្លៃខ្លួនរបស់ខ្សែប្រយុទ្ធនេះ ក្នុងការប្រជែងជាមួយក្លិប Barcelona។
នេះយោងតាមការបញ្ជាក់ពីគេហទំព័រ Dailymail ចុះផ្សាយកាលពីថ្ងៃទី២២ ខែកក្កដា ម្សិលមិញនេះ។
ម្ចាស់ជើងឯកក្របខ័ណ្ឌ Serie A មានឆន្ទៈផ្តល់តម្លៃជាសាច់ប្រាក់សុទ្ធ បូករួមទាំងកីឡាករចំនួន ២រូបមានដូចជាខ្សែប្រយុទ្ធ Paulo Dybala និងខ្សែបម្រើ Blaise Matuidi ដល់ក្លិបParis Saint Germain ក្នុងការនាំយកខ្សែប្រយុទ្ធឆ្នើមរបស់ប្រេស៊ីលមកលេងគ្នាជាមួយកំពូលខ្សែប្រយុទ្ធ Cristiano Ronaldo នៅអ៊ីតាលី បើសិនជាការចចារនេះអាចទៅរួច។
គួររម្លឹកថា ខ្សែប្រយុទ្ធឆ្នើម Neymar ត្រូវបានក្លិប Barcelona លក់ទៅឲ្យក្លិប Paris Saint Germain ក្នុងតម្លៃបំបែកឯក្តកម្មខ្សែប្រយុទ្ធដែលមានថ្លៃបំផុតនាពេលបច្ចុប្បន្ន ២០០លានផោន៕ ដោយ៖ស្រ៊ីប ឡានី
![](https://www.cpc-news.com/wp-content/uploads/2019/07/photo_2019-07-23_10-33-37-2.jpg)
![](https://i0.wp.com/www.cpc-news.com/wp-content/uploads/2019/07/photo_2019-07-23_10-33-37-1.jpg?fit=1000%2C563&ssl=1)
![](https://i1.wp.com/www.cpc-news.com/wp-content/uploads/2019/07/photo_2019-07-23_10-33-38.jpg?fit=1000%2C550&ssl=1)
![](https://www.cpc-news.com/wp-content/uploads/2019/07/photo_2019-07-23_10-34-30.jpg)