ខ្មែរ 
CPC-ភ្នំអណ្ដូងស្នេហ៍ ជាដែនដីនៃទេសភាពធម្មជាតិ អមជាមួយវាលស្មៅដ៏ធំល្វឹងល្វើយដូចកម្រាលព្រំ គ្របដណ្ដប់លើដីខ្ពង់រាបរាប់ពាន់ហិចតា
មណ្ឌលគិរី៖ភ្នំអណ្ដូងស្នេហ៍ជាតំប់មួយ ក្នុងចំណោមវាលស្មៅធម្មជាតិជាច្រើនកន្លែងក្នុងខេត្តមណ្ឌលគិរី ភ្នំអណ្ដូងស្នេហ៍គឺជាគោលដៅទេសចរណ៍ដ៏លេចធ្លោមួយ ដែលអ្នកទេសចរជាច្រើនប្រាថ្នាចង់ទៅស្នេហ៍ ស្ថិតក្នុងស្រុកអូររាំង ក្នុងខេត្តមណ្ឌលគិរី ភ្នំអណ្ដូងស្នេហ៍ មានចម្ងាយប្រមាណ ២៥គីឡូម៉ែត្រពីក្រុងសែនមនោរម្យ និងចម្ងាយប្រមាណ ៥គីឡូម៉ែត្រប៉ុណ្ណោះ ពីច្រកដាក់ដាំ ព្រំដែនកម្ពុជា-វៀតណាម។
កម្រាលស្មៅធម្មជាតិ ក្រោមមេឃខៀវខ្ចី អមទៅដោយបរិយាកាសដ៏សែនស្ងប់ស្ងាត់នៅទីនេះ បានទាក់ទាញក្រសែភ្នែកភ្ញៀវទេសចរឲ្យលង់ចិត្តនឹងសម្រស់ធម្មជាតិនៅទីនេះ ហើយបានពោលពាក្យសរសើរមិនដាច់ពីមាត់ សម្រាប់ការសម្រាកលំហែកាយបែប picnic ជាលក្ខណៈគ្រួសារ ឬមិត្តភក្ដិ ជាពិសេសគឺសម្រាប់គូស្នេហ៍ ។
មិនត្រឹមតែប៉ុណ្ណោះ បើតាមការឪ្យដឹងពីចាស់ៗបានប្រាប់តគ្នាថា ទាល់តែអ្នកមានស្នេហ៍ពិតទើបអាចរកអណ្ដូងនោះឃើញ។ អ្នកស្រុកមានជំនឿថា ទីនេះជាកន្លែងស័ក្ដិសិទ្ធិ បើអ្នកមិនទាន់មានស្នេហ៍ស្មោះទេ គឺច្បាស់ជារកអណ្ដូងនោះមិនឃើញឡើយ ៕
