ខ្មែរ 
CPC-អណ្ដេីកសមុទ្រចំនួនពីរក្បាល ត្រូវបានជួយសង្គ្រោះពីការទាក់មងខ្មោច ដោយប្រជានេសាទឈ្មោះ ហុន ម៉េងហុង នៅចំណុចកោះម្នាស់
កោះកុង៖លោក សាយ ហេង មេឃុំកោះស្ដេច បានដឹកនាំជំទប់ទី១ អនុភូមិកោះស្ដេច ប៉ុស្តិ៍នគរបាលរដ្ឋបាលឃុំ និងប្រធានសហគមន៍នេសាទសម្រស់កោះស្ដេច ចូលរួមធ្វេីការព្រលែងអណ្ដេីកសមុទ្រចំនួនពីរក្បាល ដែលជួយសង្គ្រោះពេលទាក់ជាប់នឹងមងខ្មោចដោយអ្នកនេសាទឈ្មោះ ហុន ម៉េងហុង ស្ថិតនៅចំណុចជិតកោះម្នាស់ កាលយប់ពីថ្ងៃទី២៣ ខែកុម្ភៈ ឆ្នាំ២០២៤ ។
ទី១ប្រភេទអណ្ដេីកល្មិច (Chelonia mydas) មានទំហំស្នូកបណ្ដោយ ៤១ សង់ទីម៉ែត្រ ទទឹងស្នូក ៣៨ សង់ទីម៉ែត្រ និងមានទម្ងន់ ៧,៥ គីឡូក្រាម កិបស្លាកលេខសម្គាល់ KH2432 និងទី២ប្រភេទអណ្ដេីកក្រាស (Eretmochelys imbricata) មានទំហំស្នូកបណ្ដោយ ៤២ សង់ទីម៉ែត្រ ទទឹងស្នូក ៣៨ សង់ទីម៉ែត្រ និងមានទម្ងន់ ៧,២ គីឡូក្រាម កិបស្លាកលេខសម្គាល់ KH2433 ដោយបានធ្វេីការព្រលែងនៅចំណុចឆ្នេរពយជប៉ុនស្ថិតនៅភូមិព្រែកស្មាច់ ឃុំកោះស្ដេច ស្រុកគិរីសាគរ ខេត្តកោះកុង។
សូមបញ្ជាក់ថា អណ្ដេីកសមុទ្រទាំងពីរប្រភេទនេះត្រូវបានចាត់ចូលជាប្រភេទធនធានជលផលសមុទ្រកំពុងរងគ្រោះថ្នាក់ និងត្រូវបានការពារដោយច្បាប់ស្ដីពីជលផល ដូច្នេះរដ្ឋបាលឃុំកោះស្ដេច សូមអំពាវនាវដល់បងប្អូនប្រជានេសាទទាំងអស់រួមគ្នាការពារសត្វអណ្ដេីកសមុទ្រ ដោយរាយការណ៍ជូនអាជ្ញាធរនៅពេលនេសាទបានដោយចៃដន្យ ឬជួយសង្រ្គោះពីការទាក់ជាប់មងខ្មោចឬឧបករណ៍នេសាទផ្សេងៗ ៕
