CPC-កម្ពុជា និងអេមីរ៉ាតអារ៉ាប់រួម រៀបចំវេទិកាធុរកិច្ចនិងវិនិយោគលើកទី៣ ដើម្បីប្រកាសអំពីការចូលជាធរមាននៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយ
![](https://www.cpc-news.com/wp-content/uploads/2024/02/photo_2024-02-28_08-53-30-991x564.jpg)
រាជធានីអាប៊ុយដាប៊ី៖ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្មកម្ពុជា និងឯកឧត្តម Ahmed bin Ali Al Sayegh រដ្ឋមន្រ្តីក្រសួងការបរទេសអេមីរ៉ាតអារ៉ាប់រួម បានអញ្ជើញចូលរួមជាអធិបតី ក្នុងពិធីបើកវេទិកាធុរកិច្ចនិងវិនិយោគកម្ពុជា-អេមីរ៉ាតអារ៉ាប់រួមលើកទី៣ (3rd Cambodia-UAE Business and Investment Forum) ដែលមានវត្តមានចូលរួមពីតំណាងសភាពាណិជ្ជកម្ម និងក្រុមហ៊ុនរដ្ឋនិងឯកជននៃប្រទេសទាំងពីរជាច្រើនរូបនាព្រឹក ថ្ងៃអង្គារ ទី២៧ ខែកុម្ភៈ ឆ្នាំ២០២៤ នៅមណ្ឌលសភាពាណិជ្ជកម្មនិងឧស្សាហកម្មអាប៊ុយដាប៊ី។
ក្នុងនោះ សម្រាប់ភាគីកម្ពុជា មានវត្តមានចូលរួមពីតំណាងសភាពាណិជ្ជកម្មកម្ពុជា សមាគមឧកញ៉ាកម្ពុជា សម្ព័ន្ធសមាគមសហគ្រាសធុនតូចនិងមធ្យមកម្ពុជា ក្រុមប្រឹក្សាធុរកិច្ចនៃក្រសួងពាណិជ្ជកម្ម សមាគមទេសចរណ៍ កសិ-ឧស្សាហកម្ម អចលនទ្រព្យ ធនាគារ និងកម្មន្តសាល។
គួរបញ្ជាក់ថា វេទិកាធុរកិច្ចនិងវិនិយោគនេះ រៀបចំឡើងដើម្បីប្រកាសអំពីការចូលជាធរមាននៃកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយកម្ពុជា-អេមីរ៉ាតអារ៉ាប់រួម និងដើម្បីផ្សព្វផ្សាយអំពីកាលានុវត្តន៍ភាពធុរកិច្ច និងវិនិយោគ ក៏ដូចជាការបន្តពង្រឹងទំនាក់ទំនងពាណិជ្ជកម្ម រវាងប្រទេសទាំងពីរ ឱ្យកាន់តែប្រសើរឡើងថែមមួយកម្រិតទៀត៕
![](https://www.cpc-news.com/wp-content/uploads/2024/02/429938077_792868596204298_4586556431274310994_n-900x725.jpg)
![](https://www.cpc-news.com/wp-content/uploads/2024/02/429941153_792713302886494_707701694641600186_n-1-900x675.jpg)
![](https://www.cpc-news.com/wp-content/uploads/2024/02/429941551_792868732870951_2126457788394489061_n-900x636.jpg)
![](https://www.cpc-news.com/wp-content/uploads/2024/02/429941915_792868649537626_2314105078028744142_n-900x675.jpg)
![](https://www.cpc-news.com/wp-content/uploads/2024/02/429976801_792868472870977_6762777770903566241_n-900x570.jpg)
![](https://www.cpc-news.com/wp-content/uploads/2024/02/429980675_792868432870981_3932734447613894076_n-900x745.jpg)
![](https://www.cpc-news.com/wp-content/uploads/2024/02/430028509_792868452870979_3085090573012500801_n-708x900.jpg)
![](https://www.cpc-news.com/wp-content/uploads/2024/02/430029467_792868759537615_8654185365875828605_n-900x750.jpg)