ខ្មែរ 
CPC-អាជ្ញាធរខណ្ឌច្បារអំពៅ ធ្វើការណែនាំអប់រំដល់ម្ចាស់ទីតាំងហាងកាហ្វេ ក្រោយមានក្រុមសិស្សានុសិស្សប្រមូលផ្ដុំគ្នា
ភ្នំពេញ៖ លោក ញាណ ចន្ទ័ សោភា អភិបាលរងខណ្ឌ និងលោកវរនីយ៍ទោ ឡូ ភារម្យ អធិការរងខណ្ឌ បានដឹកនាំកម្លាំងចម្រុះ ទៅត្រួតពិនិត្យហាងកាហ្វេយីហោTRAIN ក្រោយមានសិស្សានុសិស្សប្រមូលផ្ដុំគ្នា ស្ថិតនៅភូមិចំពុះក្អែក ផ្លូវថៃហ្គរ័(114) សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ព្រឹកថ្ងៃទី២៩ ខែមករា ឆ្នាំ២០២៤នេះ ។
ទន្ទឹមនឹងនេះ លោកអភិបាលរង ក៏បានធ្វើការណែនាំអប់រំ និងធ្វើកិច្ចសន្យា ដល់ម្ចាស់ហាងខាងលើ ដោយមិនអនុញ្ញាតឲ្យមានក្មេងស្លៀកពាក់ ជាសិស្សសាលាចូលមកអង្គុយលេង បែបនេះម្តងទៀតឡើយ ។
គួររម្លឹកផងដែរថា កាលពីព្រឹកថ្ងៃ២៣ ខែមករា ឆ្នាំ២០២៤ យោងតាមគណនីហ្វេសប៊ុកដែលមានឈ្មោះថា Chin Mony នេះបានបង្ហោះរូបជាច្រើនសន្លឹកដោយភ្ជាប់ជាមួយសំណេរដែលមានខ្លឹមសារទាំងស្រុងថា គួរឲ្យរន្ធត់ ខ្ញុំមកទិញកាហ្វេនៅតាមផ្លូវថៃហ្គ័រ ឃើញក្មេងបឋមសិក្សាព្រែកថ្មី និងច្បារអំពៅ ប្រហែល១០នាក់ ម៉ោង៨:៤០ព្រឹក ស៊ីមីកំប៉ុង ជក់បារី បុកប៊ីយែមួយកំប្ល៉េ។ ខ្ញុំគិតថាឪពុកម្តាយមិនដឹងទេ ៕
