ដើម្បីការពារគ្រាប់បាល់មិនឱ្យចូលទី ស៊ូ យ៉ាទី ប្រឹងហ្វឹកហាត់ទ្វេដង
ភ្នំពេញ៖អ្នកចាំទីដៃស្អិត ក្លិបណាហ្គាវើលនិងជាសមាជិកក្រុមជម្រើសជាតិកម្ពុជា កីឡាករ ស៊ូ យ៉ាទី ខិតខំហ្វឹកហាត់ ជារៀងរាល់ថ្ងៃជាមួយក្លិបណាហ្គាវើល។
អ្នកចាំទីរូបនេះលើកឡើងថា “និយាយទៅនៅណាហ្គាវើលខ្ញុំមើលឃើញថា ហាត់ខ្លាំងជាងមុន ប្រហែលជា៣០% លើសពីមុន។ ព្រោះខ្ញុំជាអ្នកចាំទី ត្រូវទៅហាត់៤៥នាទីឬកន្លះម៉ោងមុនគេ។
អ្នកចាំទីរូបនេះបន្តថា “បើគិតពីបច្ចេកទេស យើងបានហ្វឹកហាត់វាជាប្រចាំ ប៉ុន្តែការផ្តោតហាត់ខ្លាំង នៅលើភាពរហ័សរហួននៃរាងកាយ និង ការគិតលឿនហើយច្បាស់លាស់។ ដោយសារ ក្លិបផ្សេងៗគេប្រើសុទ្ធតែប្រយុទ្ធបរទេសល្អៗ អញ្ចឹងហើយយើងអត់អាចយឺតបានទេ”។
នេះបើយោងតាមការចុះផ្សាយនៅលើគេហទំព័រ គណៈកម្មការប្រកួតបាល់ទាត់កម្ពុជា ឬ CNCC។
ទោះបីជាអ្នកចាំទី សមាជិកគោព្រៃកម្ពុជា ប្រឹងហ្វឹកហាត់ខ្លាំងយ៉ាងក៏ដោយ កីឡាកររូបនេះនៅមានការព្រួយបារម្ភយ៉ាងខ្លាំង ដោយសារបច្ចុប្បន្ននេះ យើងឃើញក្លិបនីមួយៗមានកីឡាករបរទេសល្អៗ ពិសេសខ្សែប្រយុទ្ធ ដែលវាជាចលករជំរុញឱ្យ កីឡាកររូបនេះ ប្រឹងប្រែងហាត់ទ្វេដងថែមទៀត។
សូមជម្រាបថា ស៊ូ យ៉ាទី ធ្លាប់ទទួលជ័យលាភីស្រោមដៃមាសនៅលីគកំពូលកម្ពុជា២សម័យកាល និង ជួយការពារបាល់បញ្ចូលទីបានយ៉ាងល្អ ទាំងនៅក្លិប និងនៅជម្រើសជាតិកម្ពុជា៕
ដោយ៖ស្រុីប ឡានី
![](https://www.cpc-news.com/wp-content/uploads/2019/03/photo_2019-03-29_15-30-09.jpg)
![](https://www.cpc-news.com/wp-content/uploads/2019/03/photo_2019-03-29_15-30-11.jpg)
![](https://www.cpc-news.com/wp-content/uploads/2019/03/photo_2019-03-29_15-30-14.jpg)
![](https://www.cpc-news.com/wp-content/uploads/2019/03/photo_2019-03-29_15-30-16-1.jpg)
![](https://www.cpc-news.com/wp-content/uploads/2019/03/photo_2019-03-29_15-30-17.jpg)
![](https://www.cpc-news.com/wp-content/uploads/2019/03/photo_2019-03-29_15-30-20.jpg)