ភ្នំពេញ៖សមាគមអ្នកអភិវឌ្ឍកៅស៊ូកម្ពុជា បានស្នើសុំទៅរាជរដ្ឋាភិបាលឲ្យមានការអន្តរាគមន៍ ខណៈក្រុមហ៊ុនចំការកៅស៊ូនិងរោងចក្រកែច្នៃកៅស៊ូ កំពុងប្រឈមនឹងការបិទទ្វារដោយសារការខាតបង់ជាបន្តបន្ទាប់។ ប្រធានសមាគមអ្នកអភិវឌ្ឍកៅស៊ូកម្ពុជា លោក ម៉ែន សុភ័ក្រ បានថ្លែងថា តម្លៃជ័រកៅស៊ូ នៅលើទីផ្សារអន្តរជាតិចុះថ្លៃខ្លាំង មកនៅត្រឹមតែជាង១,៣០០ដុល្លារក្នុង១តោន ខណៈថ្លៃដើមនៃការដាំដុះ និងការកែច្នៃកៅស៊ូក្រែបកម្ពុជា (CSR) ត្រូវចំណាយរហូតដល់ជិត១,៦០០ដុល្លារក្នុង១តោន ។ ដូច្នេះហើយធ្វើឲ្យអ្នករកស៊ីលើការដាំដុះ និងកែច្នៃកៅស៊ូ ដើម្បីនាំចេញមិនទទួលបានផលចំណេញឡើយ។